Meleri Wyn James yn ennill y Fedal Ryddiaith gyda'i nofel - Hallt
Alison Cairns o Ynys Môn yw enillydd Dysgwr y Flwyddyn
"Swm sylweddol" o gyffuriau wedi'i hawlio a dyn 18 oed o Fangor wedi'i arestio ym Maes B
Gosod cyrffyw i blant ar y maes carafanau wedi "ymddygiad gwrthgymdeithasol"
Miloedd yn heidio i Faes B ar gyfer y noson gyntaf o gerddoriaeth
Roedd 'na ddigon o gystadlu yn y ddau bafiliwn ddoe - ond pwy lwyddodd i gyrraedd y brig?
Cliciwch yma am holl ganlyniadau dydd Mawrth a chlipiau o'r cystadlaethau.
Neu gallwch ddarllen holl ganlyniadau'r wythnos hyd yn hyn.
Fe fydd Dysgwr y Flwyddyn yn cael ei wobrwyo yn y Pafiliwn Mawr brynhawn heddiw.
Cafodd 30 o unigolion eu cyfweld ar gyfer y gystadleuaeth eleni - y nifer uchaf erioed - gyda phedwar wedi cyrraedd y rhestr fer.
Y rhai sydd wedi dod i'r brig yw Roland Davies o Lanidloes, Alison Cairns o Lannerch-y-medd, Manuela Niemetscheck o Fethesda a Tom Trevarthen o Aberystwyth.
Mae'r gystadleuaeth, sy'n cael ei threfnu ar y cyd gyda'r Ganolfan Dysgu Cymraeg Genedlaethol, yn dathlu ei phen-blwydd yn 40 eleni.
Fe ddown ni â mwy o wybodaeth i chi am y pedwar yn ystod y bore!
Ffynhonnell y llun, Eisteddfod GenedlaetholO'r chwith i'r dde: Manuela Niemetscheck, Roland Davies, Alison Cairns a Tom Trevarthen
Seremoni anrhydeddu'r Prif Lenor Rhyddiaith fydd y brif ddefod ar lwyfan y Pafiliwn Mawr heddiw.
Mae'r fedal yn cael ei rhoi eleni am gyfrol o ryddiaith greadigol heb fod dros 40,000 o eiriau ar y testun 'Porth'.
Sioned Erin Hughes, 24 oed, oedd enillydd y Fedal Ryddiaith y llynedd
Y beirniaid yw Menna Baines, Lleucu Roberts ac Ion Thomas.
Lleucu Roberts oedd enillydd y gystadleuaeth hon yn 2014 a 2021.
Mae'r fedal a gwobr ariannol o £750 yn cael eu rhoi er cof am Robyn a Gwenan Léwis gan y teulu.
Ydych chi'n barod am ddiwrnod prysur arall ar y maes? Neu ydych chi'n dilyn y cyfan ar y teledu, y radio neu ar eich ffôn?
Mae llif byw Cymru Fyw yma eto heddiw i ddod â'r holl straeon, lluniau a fideos diweddaraf o'r maes.
Mae digon i'n cadw'n brysur heddiw, o gyhoeddi enillwyr Dysgwr y Flwyddyn a'r Fedal Ryddiaith, Brwydr y Bandiau ar Lwyfan y Maes, a llu o ddigwyddiadau eraill!
Arhoswch gyda ni am y cyfan.
Ffynhonnell y llun, Aled Llywelyn