Prif weithredwr yr Eisteddfod yn dweud y bydd hyd yr ŵyl un o'r pethau i'w drafod, wrth wahodd sgyrsiau am ei dyfodol.

Diolch o galon am eich cwmni ar ein tudalennau byw o'r maes ym Moduan 💛

Ffynhonnell y llun, Aled Llywelyn / Eisteddfod

Bu'n wythnos hynod brysur rhwng yr holl seremonïau, y cystadlu a gigio!

Mae 'na ragor i ddod ar y maes ac ar BBC Radio Cymru ac S4C wrth gwrs, felly mwynhewch.

Tan Eisteddfod Rhondda Cynon Taf 2024 felly, hwyl am y tro 👋😎

Alan Llwyd fu'n sgwrsio â BBC Cymru Fyw...

Iwan Griffiths fydd yn holi Alan Llwyd am 18:00 - cofiwch wrando! , dolen allanol

Ym Maes B heno fe fydd y perfformiad theatrig cyntaf erioed yno.

Mae ‘Popeth ar y Ddaear’ yn gyd-gynhyrchiad gan gwmni y Frân Wen a’r Eisteddfod.

Dyma gyfle i gamu mewn i fyd yn y dyfodol agos ac i barti ola’r byd ym Maes B.

Dyma barti, dywedir, a fydd yn codi cwestiynau mawr am ein dyfodol – gyda thrychineb catastroffig wedi boddi cymunedau.

Yr awduron yw Marged Tudur, Mari Elen, Iestyn Tyne a Lauren Connelly gyda cherddoriaeth gan Osian Williams, Candelas.

... mae hufen iâ yn galw 🍦

Glenys Owen oedd yn cyflwyno’r Corn Hirlas yn Eisteddfod Bro Dwyfor 1975...

...ac Anni Llŷn sydd â’r un dasg yn Eisteddfod Llŷn ac Eifionydd 2023.

Ffynhonnell y llun, Aled Llywelyn

"Yr oedd hi'n glir o'r dechrau mai Llanw a Thrai yw cynganeddwr gorau'r gystadleuaeth," dywedodd y beirniaid oedd yn traddodi, Karen Owen.

"Yn bersonol, fe dyfodd y gwaith hwn arnaf efo pob darlleniad," ychwanegodd wrth gyfeirio at waith Alan Llwyd.

"Er mai stori gyfarwydd iawn i Gymry Cymraeg ein cyfnod ni sydd yma, sef gadael bro cyn dychwelyd ddegawdau'n ddiweddarach yn llawn hiraeth euog.

“Y bardd hwn, yn fwy na neb arall, a gafodd y weledigaeth gliriaf ar gyfer ei destun.

"Dyma’r bardd hefyd a lwyddodd orau i droi’r weledigaeth honno yn farddoniaeth ddealladwy, ddarllenadwy sy’n rhoi mwynhad."

Yn un o brifeirdd mwyaf amlwg Cymru, llwyddodd Alan Llwyd i ennill y ‘dwbl’, sef y Gadair a’r Goron yr un flwyddyn ddwywaith yn 1973 ac 1976.

Alan yw’r bardd cyntaf, ers llacio’r rheol ‘ennill dwy waith yn unig’, i ennill y Gadair am y trydydd tro

Darllenwch ragor yma.

'Llanw a Thrai' yw ffugenw'r buddugol.

Dilynwch y llif byw wrth i ni aros i glywed yr enw yn swyddogol neu gwyliwch yma.

I'ch atgoffa, beirniaid cystadleuaeth y Gadair eleni yw Karen Owen, Cathryn Charnell-White a Rhys Iorwerth.

Rhys oedd enillydd y Goron ddydd Llun.

Llŷr Gwyn Lewis oedd enillydd y Gadair yn Eisteddfod Genedlaethol Ceredigion 2022.

Ceisiodd 14 o bobl am y wobr - y nifer fwyaf ers dros 30 mlynedd.

Daeth Llŷr, sy'n wreiddiol o Gaernarfon, yn ail am Gadair y Genedlaethol yn 2017 ac yn drydydd yn 2018.

Ond daeth i'r brig mewn cystadleuaeth a oedd, yn ôl y beirniaid, yn "ardderchog".

BBC iPlayer

Cliciwch yma i wylio Seremoni'r Cadeirio neu gallwch wrando hefyd ar Radio Cymru.

Heddiw fydd seremoni olaf yr Archdderwydd Myrddin ap Dafydd.

Cafodd ei gyfnod ef ei ymestyn yn sgil gohirio Eisteddfodau oherwydd y pandemig.

Fe fydd yn cael ei olynu gan Mererid Hopwood ac fe wnaeth ddiolch i Myrddin ap Dafydd "am ei arweiniad" yn ystod seremoni'r Cadeirio ddydd Gwener.

Hi fydd yr ail fenyw i ymgymryd â'r rôl, yn dilyn cyfnod Christine James rhwng 2013 a 2016.

Y Cadeirio yw'r prif seremoni ar ddydd Gwener y Steddfod.

T. Llew Jones oedd enillydd y Gadair yng Nglyn Ebwy yn 1958 - tybed a fydd teilyngdod heddiw?

Mwy o luniau o'r archif.

Mae'r Seremoni'r Cadeirio ar fin dechrau ym Moduan

Mae'r Gadair eleni wedi ei chreu gan Stephen Faherty sy'n byw ger Rhuthun ond yn hanu o Bren-teg, ger Porthmadog.

Roedd y Lôn Goed - y llwybr hanesyddol pwysig ger Chwilog sy'n ffinio Llŷn ac Eifionydd, ac a gafodd ei hanfarwoli yn y gerdd Eifionydd gan R. Williams Parry - yn ysbrydoliaeth i'r Gadair a'r Goron eleni.

Cerflunio yw arbenigedd Stephen Faherty, a naddodd y Gadair eleni o ddarn mawr o goeden dderw a gafodd ei phlannu ar ymyl y Lôn Goed dros 200 mlynedd yn ôl.

Fe gafodd y dderwen gyfan ei chwythu ilawr yn ystod Storm Darwin yn Chwefror 2014, ac fe gyflwynodd Eifion Williams, Tyddyn Heilyn ddarn ohoni i'r Eisteddfod pan glywodd fod y Brifwyl i'w chynnal yn lleol.

Mae'r Gadair felly yn un o'r ychydig rai fydd wedi ei naddu, yn hytrach na'i chreu o ddarnau gwahanol, ar gyfer yr Eisteddfod Genedlaethol.

"Mae'n ddarn arbennig o bren, ac roedd o'n gweddu i'w gerfio i gadair," meddai Mr Faherty.

Fe fydd enillydd Cadair Eisteddfod Genedlaethol Llŷn ac Eifionydd 2023 - os y bydd teilyngdod - yn cael ei gyhoeddi cyn hir.

Beirniaid y gystadleuaeth eleni oedd Karen Owen, Cathryn Charnell-White a Rhys Iorwerth.

Roedd gofyn i ymgeiswyr gyfansoddi awdl neu gasgliad o gerddi mewn cynghanedd gyflawn ar fwy nag un o'r mesurau traddodiadol, hyd at 250 o linellau ar y testun 'Llif'.

Fe fydd y buddugol yn cael Cadair, er cof am Dafydd Orwig, a £750.

Ffynhonnell y llun, Iolo Penri