Y Blaid Geidwadol wedi sicrhau mwyafrif
Ceidwadwyr wedi cipio nifer o seddi oddi wrth Llafur yn y gogledd-ddwyrain
Y Ceidwadwyr hefyd yn cipio Ynys Môn a Brycheiniog a Sir Faesyfed
Plaid Cymru yn cadw eu pedwar sedd; y Democratiaid Rhyddfrydol wedi colli eu hunig un yng Nghymru
Jeremy Corbyn yn dweud na fydd yn arwain Llafur mewn etholiad eto
Cyn-Ysgrifennydd Cymru, Alun Cairns yn cadw ei sedd; Jo Swinson yn colli i'r SNP
Mae ffynhonnell Geidwadol ym Mro Morgannwg yn dweud eu bod yn “ofalus o hyderus”. Ond dywed ei bod hi’n anodd barnu oherwydd “amseroedd cythryblus” yn yr ardal.
Dywed ffynonellau Plaid Cymru y gallan nhw fod yn drydydd yng Nghastell-nedd, perfformiad cryf gan y Torïaid, ond efallai y bydd Llafur yn cael eu hachub wrth i Blaid Brexit hollti’r bleidlais
S4C
Rhys Thomas, ymgeisydd Plaid Cymru yng Ngorllewin Caerfyrddin a De Sir Benfro, wedi synnu gyda'r gefnogaeth i'r Ceidwadwyr, yn enwedig yn llefydd fel Doc Penfro.
Dywedodd fod yr etholiad yma, ar y cyfan, yn un anodd i Blaid Cymru, ond y bydd rhai'r Cynulliad "mor wahanol i hwn".
Rhys Thomas, ymgeisydd Gorllewin Caerfyrddin a De Sir Benfro
Sara Gibson
Gohebydd BBC Cymru yng nghyfrif Ceredigion
"Canran y bleidlais Geidwadol yng Ngheredigion yn llawer yn uwch na 2017, ac mae sïon y gallan nhw ddod yn ail.
"Mae Plaid Cymru yn ffyddiog eu bod yn mynd i ddal gafael ar y sedd."
"Mae’n ymddangos bod y gefnogaeth i’r Democratiaid Rhyddfrydol lawer yn is na’r arfer.
"Gallan nhw orffen yn bedwerydd."
Rhys Padarn Jones
Cartwnydd
Nia Thomas
Gohebydd BBC Cymru yng nghyfrif Ynys Môn
"Mae hi'n agos eithriadol ar Ynys Môn rhwng Llafur, y Ceidwadwyr a Phlaid Cymru, meddai un o gynrychiolwyr Llafur wrthai."
Aled ap Dafydd ydy ymgeisydd Plaid Cymru yno, gyda Mary Roberts ar ran y Blaid Lafur a Virginia Corsbie yn sefyll i'r Ceidwadwyr.
Mae canlyniad cyntaf y noson wedi cyrraedd, a hynny yn Newcastle upon Tyne Central.
Chi Onwurah sydd wedi cadw'r sedd i'r Blaid Lafur, gyda'r Ceidwadwyr yn ail.
'Get Brexit Done' - ydy Jacob a Gwenno yn cytuno mai dyma oedd neges arwyddocaol yr ymgyrch?
Tomos Lewis
Gohebydd BBC Cymru yng nghyfrif Arfon
"Mae ymgeisydd Plaid Cymru, Hywel Williams wedi cyrraedd y cyfrif yn Arfon, gyda'r blaid yn dweud eu bod yn dawel hyderus.
"Arfon oedd y sedd fwyaf ymylol yng Nghymru yn yr etholiad yn 2017, gyda Llafur 92 pleidlais yn unig y tu ôl."
Aled Scourfield
Gohebydd BBC Cymru yng nghyfrif Preseli Penfro
"Mae’r Ceidwadwyr yn ennill dros 70% o’r bleidlais mewn rhannau o Hwlffordd yn ôl fy ffynonellau i.
"Stephen Crabb yn edrych yn gyfforddus ar y funud."
Mae ymgyrch Plaid Cymru i adeiladu ar eu henillion yn etholiad Cynulliad Cymru ym Mlaenau Gwent yn yr etholiad cyffredinol yma wedi cael eu disgrifio fel rhai sydd "ddim yn edrych yn wych" gan ffynonellau Plaid.
Pan ofynnwyd iddyn nhw am eu gobeithion i symud ymlaen i gadarnle Llafur, ar ôl dod o fewn 650 pleidlais i gipio’r sedd yn etholiad Cynulliad 2016, fe wnaethon nhw ddisgrifio pleidlais San Steffan fel "mater wahanol".
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Dywedodd yr Athro Laura McAllister, wrth siarad ar raglen Etholiad 2019 BBC Wales: “Mae eironi yma os yw'r canlyniadau hyn yn wir.
"Efallai bod Llafur yn edrych ar gael mwyafrif ei ASau yng nghymoedd de Cymru - y rhan o Gymru sydd fwyaf gwrthwynebus i Jeremy Corbyn.
"Bydd yn ddiddorol sut mae hynny’n chwarae allan i’r Prif Weinidog, Mark Drakeford, sydd ei hun yn gefnogwr i Jeremy Corbyn."
Laura Kuenssberg
Gohebydd Gwleidyddol y BBC
"Os yw'r arolwg barn yn gywir, ac mae Boris Johnson wedi sicrhau mwyafrif, yna bydd ganddo gefnogaeth ASau i gymryd y DU allan o'r Undeb Ewropeaidd fis nesaf.
"Ond nid yn unig hynny, os yw'r ffigyrau'n gywir gallai olygu pum mlynedd arall o lywodraeth Geidwadol.
"Ar ôl pedwar colled yn olynol i Lafur - ar ôl nifer o flynyddoedd ble maen nhw wedi symud yn bellach i'r chwith - byddai hon yn golled ddifrifol a hanesyddol."
Richard Wyn Jones
Athro Gwleidyddiaeth Cymru
Mae'r Athro Richard Wyn Jones yn dweud bod yr arolwg barn yn "drychinebus" i Lafur, ac hefyd yn gofyn ai dyma fydd diwedd dominyddiaeth y blaid yng Nghymru?
Ymateb yr arolwg barn
Yr Athro Roger Awan-Scully
Cyfarwyddwr Canolfan Llywodraethiant Cymru
Awgrymodd y sylwebydd gwleidyddol, yr Athro Roger Awan-Scully nad oedd hi'n "annirnadwy - er hyd yn hyn yn bell iawn o sicrwydd" y gallai'r Blaid Lafur yng Nghymru golli eu "holl seddi seneddol i'r gogledd o'r cymoedd".
Felicity Evans
Golygydd Gwleidyddol BBC Cymru
Mae ffynonellau Ceidwadol wedi dweud wrth BBC Cymru "nad yw pethau'n edrych yn dda" iddynt yn sedd Gogledd Caerdydd.
Roedd y sedd yn un o dargedau'r blaid yn yr ymgyrch.
Mae un o'n gohebwyr wedi bod yn holi barn dau berson ifanc - Jacob a Gwenno - yng nghanolfan Chapter yng Nghaerdydd i gael eu hymateb i'r arolwg barn o'r gorsafoedd pleidleisio.
Dywedodd Jacob ei fod "wedi fy llorio" gan y mwyafrif sy'n cael ei ddarogan i'r Ceidwadwyr, a bod Llafur wedi cael "crasfa".
Dywedodd Gwenno ei bod yn "torri fy nghalon" ynglŷn â'r arolwg.
Ymateb Jacob a Gwenno
Rhys Padarn Jones
Cartwnydd
Mae'r artist Rhys Padarn Jones yn mynd i fod yn darlunio i ni drwy'r nos, wrth i stori'r noson ddatblygu.
Arhoswch gyda ni i ddarganfod pwy fydd yn ennill y ras i Rif 10!
Vaughan Roderick
Golygydd Materion Cymreig y BBC
Er bod sefyllfa'r Blaid Lafur wedi bod yn "fregus" yng Nghymru yn y blynyddoedd diwethaf, meddai Golygydd Materion Cymreig BBC Cymru, Vaughan Roderick, maen nhw wedi bod yn "wydn" yn nhermau dal seddi.
Ond ychwanegodd: "Efallai taw hwn yw'r tro cyntaf mae'r gwendid yna'n mynd i ddangos yn y canlyniadau."
Bethan Lewis
Gohebydd BBC Cymru yng nghyfrif Bro Morgannwg
Mae'r Athro Roger Awan-Scully o Ganolfan Llywodraethiant Cymru yng nghyfrif Bro Morgannwg heno - sedd cyn-Ysgrifennydd Cymru, Alun Cairns.
Mae'r Athro Awan-Scully yn darogan y bydd y Ceidwadwyr yn gwneud cynnydd arwyddocaol yng Nghymru - gan ragweld y bydd Llafur o bosib yn cael ei dileu oddi ar y map yng ngogledd ddwyrain Cymru.
