Y Blaid Geidwadol wedi sicrhau mwyafrif
Ceidwadwyr wedi cipio nifer o seddi oddi wrth Llafur yn y gogledd-ddwyrain
Y Ceidwadwyr hefyd yn cipio Ynys Môn a Brycheiniog a Sir Faesyfed
Plaid Cymru yn cadw eu pedwar sedd; y Democratiaid Rhyddfrydol wedi colli eu hunig un yng Nghymru
Jeremy Corbyn yn dweud na fydd yn arwain Llafur mewn etholiad eto
Cyn-Ysgrifennydd Cymru, Alun Cairns yn cadw ei sedd; Jo Swinson yn colli i'r SNP
Mae'r Arglwydd Roberts o'r Democratiaid Rhyddfrydol yn gwylio cyfrif Aberconwy yn Llandudno, ac mae wedi dweud wrth ein gohebydd yno ei fod yn poeni am fwyafrif i Boris Johnson, fyddai yn ei eiriau ef yn “beryg bywyd”.
Mae ymgeisydd y Ceidwadwyr yn Nwyfor Meirionydd, Tomos Dafydd Davies (dde) yn dweud y byddai "wrth fy modd" os yw'r arolwg barn yn gywir.
Er hynny, mae wedi cyfaddef nad yw'n disgwyl cipio sedd Dwyfor Meirionnydd gan Liz Saville Roberts o Blaid Cymru heno.
Mae cyn-brif weinidog Cymru, Carwyn Jones yn dweud nad oedd wedi disgwyl canlyniadau fel y rhai sydd wedi eu hawgrymu yn yr arolwg barn.
"Os mae hwn yn iawn, bydde hwn yn ganlyniad bydde heb gael ei feddwl amdano," meddai.
Dywedodd AC Plaid Cymru, Helen Mary Jones, fod yr arolwg yn "noson drist iawn i Gymru".
Ychwanegodd ei bod wedi sylwi ar etholwyr yn yr ardaloedd Llafur traddodiadol yn troi at y Ceidwadwyr gan nad oedden nhw'n hoff o Jeremy Corbyn.
Sara Gibson
Gohebydd BBC Cymru yng nghyfrif Ceredigion
"Awgrym bod canran y rheiny sydd wedi bwrw eu pleidlais cyn uched â 90% mewn rhannau o Geredigion.
"Bron i 10,000 o bleidleisiau post wedi eu hanfon allan, meddai’r cyngor - dwywaith y nifer arferol."
Mae nifer o'n gohebwyr o amgylch y wlad yn clywed yn y canolfannau cyfrif bod y gyfran sydd wedi pleidleisio yn ymddangos yn uchel iawn.
Pa effaith fydd hynny'n ei gael ar y canlyniad, mae hynny eto i ddod i'r amlwg.
Un effaith arall o nifer fawr o bleidleiswyr ydy y bydd y canlyniadau ychydig yn hwyrach yn cael eu cyhoeddi na'r arfer.
Richard Wyn Jones
Athro Gwleidyddiaeth Cymru
Yn siarad ar raglen etholiad arbennig S4C heno, dywedodd y sylwebydd gwleidyddol Richard Wyn Jones fod llwyddiant yr SNP yn Yr Alban yn awgrymu fod y Blaid Geidwadol - os ydy'r arolwg yn gywir - wedi cael llwyddiant mewn mannau eraill.
"Os ydych chi'n ystyried bod y Ceidwadwyr wedi colli tir yn Yr Alban, maen nhw wedi ennill tir garw iawn yng Nghymru a Lloegr," meddai.
"Mae'n rhaid ei bod hi wedi bod yn noson dda i'r Ceidwadwyr yng Nghymru."
S4C
Mae'r arolwg barn yn "well na'r oeddwn i'n disgwyl" yn ôl Glyn Davies, cyn-AS Ceidwadol Maldwyn.
"Do'n i ddim yn disgwyl mwyafrif fel hyn."
Ychwanegodd y byddai mwyafrif fel y mae'r arolwg yn ei awgrymu yn galluogi "ni i symud ymlaen".
"Mae'n rhaid i ni gael digon o fwyafrif i ddelio â Brexit."
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Arolwg barn o'r gorsafoedd
Mae canlyniad arolwg barn o'r gorsafoedd newydd gael ei gyhoeddi wedi i'r blychau pleidleisio gau am 22:00.
Mae'r arolwg yn awgrymu y bydd y Ceidwadwyr yn ennill mwyafrif yn y Senedd newydd.
Dyma'r canlyniad:
Ceidwadwyr: 368 (+50)
Llafur: 191 (-71)
Dem Rhydd: 13 (+1)
SNP: 55 (+20)
Plaid Cymru: 3 (-1)
Y Blaid Werdd: 1 (dim newid)
Plaid Brexit: 0 (dim newid)
Eraill: 19 (+1)
Mae’r arlowg yn awgrymu mwyafrif o 86 i’r Ceidwadwyr.
Fe wnaeth Ipsos MORI gynnal 22,790 o gyfweliadau mewn 144 o orsafoedd pleidleisio dros Brydain, ar ran y BBC, ITV a Sky.
Mae'r gorsafoedd pleidleisio ar fin cau eu drysau, ac yna fe gawn ni ganlyniad yr arolwg barn o'r gorsafoedd yn syth wedyn.
Arhoswch gyda ni!
Ffynhonnell y llun, Getty Images
Dewi Llwyd
Cyflwynydd BBC Cymru
Fel yr arfer mae Dewi a'r tîm ar S4C drwy'r nos. Gallwch chi wylio drwy glicio uchod.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Gyda'r gorsafoedd pleidleisio yn dal ar agor am 10 munud arall, mae'r pleidleisiau post eisoes wedi cyrraedd y gorsafoedd, fel rhain yn Hwlffordd.
Croeso i'n llif byw arbennig yn dod â chanlyniadau'r etholiad cyffredinol i chi wrth iddynt gael eu cyhoeddi drwy'r nos. Gwnewch baned, neu rywbeth cryfach, a gwnewch eich hunain yn gyfforddus!