Agallamh le Iain Gòrdan

Tha comhairliche san Eilean Sgitheanach a chaill athair ri linn Covid-19 ann an dachaigh-cùraim Home Farm am Port Rìgh ag ràdh gum feum rannsachadh a bhith ann mun chùis.

Bha Iain Aonghas Gòrdan am measg chòignear a chaochail san dachaigh leis a' Choròna-bhìoras.

Rinn a mhac, an Comh. Iain Gòrdan, moladh air luchd-obrach Home Farm, ach thuirt e gu bheil feum air freagairtean air ciamar a thàinig na h-uimhir de chùisean am bàrr san Eilean Sgitheanach.