20 bliadhna bhon a chaidh cur às do chìsean Dhrochaid an Eilein Sgitheanaich

Bha 20 bliadhna Disathairne bhon a chaidh cur às do chìsean air Drochaid an Eilein Sgitheanaich.

Bha an drochaid air a bhith fosgailte fad còrr is naoi bliadhna an uair sin, agus strì air a bhith a' dol ann 'son ùine mhòr gun rachadh cur às dhan chìs.

'S ann cha mhòr mar chlach às an adhar a thàinig an naidheachd gun deach cur às dhith ge-tà, mar a tha Alasdair MacLeòid a-nis ag aithris.