Binn prìosain air boireannach a mharbh duine an tubaist air an A9
Anndra Mac a' Phearsain
- Air fhoillseachadh
Chaidh binn prìosain 14 mìosan air boireannach à Sìona a mharbh fear-motor-baidhseagail ann an tubaist air an A9 san Ògmhios.
Bha Die Huang, 51, a' draibheadh air an taobh cheàrr den rathad nuair a bhuail i sa mhotor-bhaig aig Anndra Mac a' Phearsain, 63.
Chuala an àrd-chùirt ann an Dùn Èideann gun robh Mgr Mac a' Phearsain, à Wisbech ann an Cambridgeshire, a' siubhail gu ceann a tuath na h-Alba gus an NC500 a dhèanamh nuair a bhuail càr ann.
Bhàsaich e aig làrach na tubaiste faisg air Cail Mhinn ann an Siorrachd Pheairt.
Chuala a' chùirt gun robh Die Huang air a bhith a' tadhal air a mic ann an Lunnainn is nach robh eòlas aice air draibheadh air rathaidean Bhreatainn.
Dh'aidich i mar-thà gun do dh'abhraich i bàs le a bhith a' draibheadh gu cunnartach.
Thuirt fear-lagha Die Huang nach do thuig i nach robh i air pàirt den rathad nach robh dà-fhìllte nuair a thachair an tubaist is gu bheil aithreachas uabhasach oirre.
Chaidh binn prìosan 14 mìosan is casg draibhidh còig bliadhna is seachd mìosan oirre.