Crynodeb

  • Yr Eidal yn gorffen ar frig Grŵp A, gyda Chymru yn ail

  • Matteo Pessina yn rhoi'r Eidal ar y blaen cyn yr egwyl

  • Cerdyn coch i Ethan Ampadu ar ôl 56 munud

  • Gareth Bale yn methu cyfle gorau Cymru yn yr ail hanner

  • Swistir 3-1 Twrci yng ngêm arall y grŵp

Y diweddaraf yn fyw

  1. Arbediad arall gan Ward!

    Ergyd yn dod drwy nifer o goesau, ond Danny Ward yn ei chadw allan!

  2. 3 munud ychwanegol...

  3. Chwysfa

    Dylan Griffiths
    Chwaraeon BBC Cymru

    Mae bob man yn chwyslyd, dwi just isio 'stafell dywyll a gorwedd lawr.

  4. Sirigu ymlaen i'r Eidal

    Eilyddio

    Mae'r Eidal yn newid golwr. Sirigu ymlaen yn lle Donnarumma am ychydig funudau.

    goaliesGetty Images

  5. Tanc Joe yn wag

    Iwan Roberts
    Cyn-ymosodwr Cymru

    Gweld coesau Joe Allen wrth adael y cae, mae'r tanc yn wag.

  6. 'Gweithio mor galed'

    Malcolm Allen
    Cyn ymosodwr Cymru a sylwebydd S4C

    Mae Cymru’n drefnus, maen nhw’n ddisgybledig – am faint allan nhw gadw fo fynd ydi’r peth, maen nhw’n gweithio mor, mor galed i’w gilydd.

    amddiffyn connor robertsGetty Images

  7. Tri eilydd i Gymru

    Eilyddio

    David Brooks, Ben Davies a Dylan Levitt yn dod ymlaen.

    Gareth Bale, Neco Williams a Joe Allen yn gadael y cae.

    Y sgoriwr Pessina yn gadael i'r Eidal.

  8. Yr Eidal yn curo ar y drws

    Mae Cymru'n gaeth i'w cwrt cosbi eu hunain, a'r Eidal yn pwyso.

  9. Cerdyn melyn arall, Gunter y tro hwn

    Iwan Roberts
    Cyn-ymosodwr Cymru

    Mae'r dyfarnwr yma wedi bod yn rhy barod ac yn rhy sydyn i ddangos cerdiau i Gymru... ac ambell i dacl fudur a sinicaidd wedi cael eu rhoi mewn gan Yr Eidal. Bydd y deg munud olaf yma fel deg awr.

  10. Carl yn cadw golwg ar y goliau

    Carl Roberts
    Chwaraeon BBC Cymru

    Mae'r gwahaniaeth goliau Cymru 2 yn well na'r Swistir ar hyn o bryd. Os yw y gwahaniaeth goliau yn gyfartal Y Swistir fydd yn gorffen yn ail oherwydd eu bod wedi sgorio mwy o goliau na Chymru.

  11. Eilyddio anghywir?

    Gwennan Harries
    Cyn ymosodwr Cymru a sylwebydd S4C

    Synnu taw Dan James sydd wedi dod oddi ar y cae o ystyried ein bod ni wedi bod yn pryderu am ffitrwydd Allen a Ramsey.

  12. Cyfle i Bale!

    Cic rydd yn cael ei phenio'n ôl ar draws y cwrt tuag at Bale.

    Mae'n disgyn yn berffaith ar ei droed chwith, ond y capten yn ergydio dros y trawst!

    Doedd hi ddim yn hawdd, ond a fydd cyfle arall mor dda i Gymru?

    BaleGetty Images

  13. Wilson ymlaen yn lle James

    Eilyddio

    Harry Wilson yn dod i'r cae yn lle Dan James.

    Cristante a Raspadoriat ymlaen i'r Eidal yn lle Jorginho a Bernadeschi.

  14. Agos!

    Cornel Yr Eidal yn fflachio ar draws gôl Cymru! Dim on cyffyrddiad oedd ei angen yn fan 'na.

  15. Cymru yn blino yng nghanol cae?

    Gwennan Harries
    Cyn ymosodwr Cymru a sylwebydd S4C

    Problem fwya' sydd ganddo ni o ran chwaraewyr lluddedig ydi mai Allen a Ramsey sydd yng nghanol y cae nawr - a nhw ydi’r ddau chwaraewr ni angen edrych ar ôl mwya’ o ran ffitrwydd.

  16. Beth fydd ar feddwl Ampadu?

    Dylan Griffiths
    Chwaraeon BBC Cymru

    Ampadu yn yr ystafell newid, beth yn y byd sydd yn mynd trwy ei feddwl o? Roedd o bron yn ei ddagrau yn gadael y cae.

    ampaduGetty Images

  17. Cerdyn coch yn anffodus

    'Tash' Harding
    Chwaraewr rhyngwladol Cymru

    Mae just yn anffodus, ni gyd yn gwbod beth ddigwyddodd i Cymru pan aethon ni lawr i ddeg dyn. Anffodus bod y cerdyn coch wedi dod allan.

  18. Gôl arall i Shaqiri yn Baku

    Mae Xherdan Shaqiri wedi cael gôl arall i'r Swistir yn Baku...

    3-1 bellach, ond Cymru dal yn ail yn y grwp am y tro.

  19. Diolch Twrci

    Iwan Roberts
    Cyn-ymosodwr Cymru

    Diolch yn fawr iawn Twrci, gawn ni un bach arall? Ond mae hi yn bwysig bod ni yn neud y gwaith amddiffynol fan hyn.

  20. Arbediad campus gan Ward

    Arbediad gwych gan golwr Cymru i atal Andrea Belotti o chwe llath. Arbennig.