Crynodeb

  • Yr Eidal yn gorffen ar frig Grŵp A, gyda Chymru yn ail

  • Matteo Pessina yn rhoi'r Eidal ar y blaen cyn yr egwyl

  • Cerdyn coch i Ethan Ampadu ar ôl 56 munud

  • Gareth Bale yn methu cyfle gorau Cymru yn yr ail hanner

  • Swistir 3-1 Twrci yng ngêm arall y grŵp

Y diweddaraf yn fyw

  1. Cerdyn coch costus iawn?

    Nic Parry
    Sylwebydd S4C

    Os fydd gan Gymru a'r Swistir yr un nifer o bwyntiau a goliau ar ddiwedd y gêm, bydd y nifer o gardiau coch a chardiau melyn yn bwysig iawn.

    Nid yn unig bod Cymru yn mynd lawr i 10 dyn ond fe all y cyfan ddod lawr i faint o bwyntiau disgybliaeth sydd gan y naill dîm a’r llall – fe all yr eiliad honna gostio’n ddrud.

    ampaduGetty Images

    Ethan Ampadu yn cael ei gysuro gan Gareth Bale wrth iddo adael y maes

  2. Twrci wedi sgorio

    Mae twrci wedi tynnu un yn ôl yn erbyn Y Swistir - 2-1 bellach...

  3. Penderfyniad anghywir?

    Iwan Roberts
    Cyn-ymosodwr Cymru

    Hwyrach penderfyniad anghywir gan Robert Page gyda'r eilyddio? Ond dwi heb gael fy synnu. Profiad yn hollbwysig nawr.

  4. Dim amser ar y bêl i chwaraewyr Cymru

    Gwennan Harries
    Cyn ymosodwr Cymru a sylwebydd S4C

    Bob tro mae Cymru 'efo meddiant maen nhw yn ein gwynebau ni o fewn eiliad felly maen nhw’n gorfodi ni'n ôl trwy'r amser.

  5. Kieffer Moore ymlaen i Gymru

    Eilyddio

    Joe Morrell yn gadael y cae wrth i Rob Page wybod bod rhaid cymryd risg.

    Hanner awr sydd i fynd.

  6. Angen dringo Everest

    Iwan Roberts
    Cyn-ymosodwr Cymru

    Os oedd ganddon ni Yr Wyddfa i ddringo yn yr ail hanner yma, mae ganddon ni fynydd Everest rwan. Lawr i ddeg dyn yn erbyn y tîm yma!

  7. Cerdyn coch i Ampadu

    Cerdyn Coch

    Ethan Ampadu yn cael ei hel o'r cae am dacl hwyr ar Bernadeschi.

    Mae hyn yn ergyd ofnadwy i Gymru, sydd i lawr i 10 dyn am weddill y gêm.

    cerdyn coch AmpaduGetty Images

  8. Cyfle gorau'r gêm i Gymru!

    Aaron Ramsey yn dwyn y bêl yng nghwrt Yr Eidal ac un yn un yn erbyn y golwr...

    Ond mae'n oedi cyn ergydio, a cyfle i'r amddiffynnwr ddod yn ôl.

  9. Symud yn gyflymach

    Iwan Roberts
    Cyn-ymosodwr Cymru

    Ni'n symud y bêl yn gyflymach a Gareth Bale yn cael dangos ei gryfder, dangos ei weledigaeth. Yr Eidal yn gweithio mor galed ac yn cau lawr mor sydyn. Dwi ddim yn meddwl bydd yr Eidal yn fodlon ar ennill y gêm o un gôl i ddim.

    baleGetty Images

  10. POSTYN!

    Bernadeschi yn taro'r postyn o'r gic rydd!

  11. Melyn i Allen

    Cerdyn Melyn

    Joe Allen yn cael cerdyn melyn cyntaf y gêm.

    Fe allai hynny fod yn hollbwysig os ydy Cymru a'r Swistir yn gyfartal ar goliau ar ddiwedd y gêm...

  12. Owain Tudur Jones yn hyderus...

    Owain Tudur Jones
    Cyn chwaraewr Cymru

    Cymru - cadwch eich pennau, peidiwch â mynd ar ôl pethau sydd ddim yna o gwbl a gadael gormod o fylchau ac ildio’n rhy gynnar. Fyddwn ni’n iawn, peidiwch â phoeni.

  13. 'Rhaid gwneud newid'

    Malcolm Allen
    Cyn ymosodwr Cymru a sylwebydd S4C

    Mae’n rhaid i ni wneud rhyw fath o newid, dod a Tyler Roberts neu gymryd y gambl a dod a Kieffer Moore ar y cae. Does ‘na neb yn dal y bêl i fyny a dyda' ni heb gynnig dim byd yn ymosodol.

  14. Acerbi ymlaen

    Eilyddio

    Francesco Acerbi ymlaen yn lle capten Yr Eidal, Leonardo Bonucci.

    Dim newid i Gymru.

  15. 'Gunter mor agos!'

    Nicky John
    Rhaglen Ewro Marc, BBC Radio Cymru

    Dyma sylwadau Nicky John o raglen Ewro Marc ar yr hanner.

    Cofiwch wrando ar Ewro Marc yn syth ar ôl y gêm am 19:00 ar BBC Radio Cymru.

    Cysylltwch ar 03703 500 500 neu 67500 ar y testun.

    Nicky

  16. Dal i gredu!

    Er gwaetha'r sgôr ar yr hanner, mae rhai o griw Llannerchymedd yn dal i gadw'r ffydd.

    Gobeithio am well yn yr ail hanner!

    cefnogwyr yn yfed cwrw

  17. Bale wedi anafu?

    Carl Roberts
    Chwaraeon BBC Cymru

    Gareth Bale yn hercian wrth adael y cae ar yr egwyl. Gobeithio y bydd o'n iawn!

  18. Beth sy'n rhaid i Gymru ei wneud?

    Owain Tudur Jones
    Cyn chwaraewr Cymru

    Mae’n rhaid i ni fynd a’r gêm ychydig bach iddyn nhw – ar hyn o bryd mae’r Eidal yn ei chael hi yn ormodol eu ffordd nhw.

    allenGetty Images

    Mae'r Eidal wedi gweld mwy o'r bêl yn yr hanner cyntaf

  19. Wedi colli gormod o'r bêl

    'Tash' Harding
    Chwaraewr rhyngwladol Cymru

    O ni yn meddwl y bydde Page wedi setio y tîm lan fel hyn, yn trio amddiffyn yn erbyn Yr Eidal yn yr hanner cyntaf a mynd mewn hanner amser gyda 0-0. Ond o' ti yn gweld oedd y Cymry ddim yn cael y bêl pan o' ni yn trio pasio fe o' nhw yn colli y bêl yn eu hanner nhw a wedyn Yr Eidal wedi cryfhau.

  20. Het hyfryd!

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol