Crynodeb

  • Yr Eidal yn gorffen ar frig Grŵp A, gyda Chymru yn ail

  • Matteo Pessina yn rhoi'r Eidal ar y blaen cyn yr egwyl

  • Cerdyn coch i Ethan Ampadu ar ôl 56 munud

  • Gareth Bale yn methu cyfle gorau Cymru yn yr ail hanner

  • Swistir 3-1 Twrci yng ngêm arall y grŵp

Y diweddaraf yn fyw

  1. Stadio Llanerchymeddo

    Mae 200 o gefnogwyr yn eistedd wrth eu byrddau mewn pabell tu ôl i'r Bull, yn Llannerchymedd, Ynys Môn.

    cefnogwyr yn gwylio

  2. Gêm beryglus

    Iwan Roberts
    Cyn-ymosodwr Cymru

    Rhybudd arall. 'Da ni yn chwarae gêm beryglus yn disgyn mor ddyfn yn amddiffynnol. Gallwn ni ddim neud hyn am awr a hanner - mae rhaid ni gael rhywfath o chwarae ymosodol er mwyn i chwaraewyr canol cae a'r pump yn y cefn wthio i fyny.

  3. Yr Eidal yn pwyso

    Nic Parry
    Sylwebydd S4C

    ‘Da chi’n teimlo bod y crochan Eidalaidd yn dechrau berwi

  4. Prawf cynnar i Gymru

    Prawf cynnar i amddiffyn Cymru wrth i'r Eidal ddechrau symud y bêl yn slic ac achosi problemau i dîm Rob Page.

    Veratti a RobertsGetty Images

  5. Yr Eidal yn daclusach

    Iwan Roberts
    Cyn-ymosodwr Cymru

    Mae'n rhaid ni gael cyfnod o gadw'r bêl, mae'r Eidalwyr wedi bod yn llawer mwy taclus 'efo'r bêl yna na Chymru yn y deg munud agoriadol.

  6. Cyfle i Belotti

    Cyfle i'r Eidal, mae Belotti'n codi i gyrraedd y croesiad yn y cwrt, ond dydy o ddim yn cael cysylltiad digon da i rwydo.

    Mae 'na bosib y byddai'r Eidalwr wedi bod yn camsefyll petai honno wedi mynd i mewn.

  7. Un llygad ar y sgor arall

    Iwan Roberts
    Cyn-ymosodwr Cymru

    Newydd gael neges bod y Swistir un i fyny. Ond rhaid ni beidio poeni am hynny, mae rhaid ni ganolbwyntio ar yr her sydd o'n blaen ni.

  8. Y Swistir ar y blaen

    Mae hi'n 1-0 i'r Swistir yn y gêm arall yn y grwp...

    swistirGetty Images

    Haris Seferovic rwydodd i'r Swistir

  9. Joe Bach yn y bocs

    Ciciau rhydd cynnar i Gymru yn dilyn troseddau gan y tîm cartref.

    Joe Allen o bawb yn rhedeg i'r cwrt ond dydy Joe Bach ddim yn ddigon tal i gyrraedd y bas!

  10. Yr Eidal 0-0 Cymru

    Dafydd Pritchard
    Gohebydd Chwaraeon BBC Cymru yn Stadio Olimpico, Rhufain

    Roedd yr anthem Eidalaidd yna yn hollol wefreiddiol.

    Anrhydedd i'w chlywed yn fyw.

    cefnogwyr eidalGetty Images

  11. Y Wal Goch yn bloeddio!

    Nic Parry
    Sylwebydd S4C

    400 o gefnogwyr ddudis i? Roedd o’n swnio fel 15,000!

  12. I ffwrdd a ni!

    Yr anthemau wedi eu canu. Y chwaraewyr yn barod. I ffwrdd a ni!

  13. Y dorf yn codi llais

    Carl Roberts
    Chwaraeon BBC Cymru

    Mae angen i'r cefnogwyr a ni yn y wasg wisgo mwgwd yn gwylio'r gêm. Sawl un o'n cwmpas ni wedi cael ei atgoffa i wisgo un. Y dorf newydd floeddio 'ITALIA ITALIA ITALIA' Bellisimo!

    ffans eidalGetty Images

  14. 5 munud i fynd

    Gwnewch baned, tolltwch ddiod, mae hi bron yn amser y gic gyntaf.

    Mae'r chwaraewyr allan ar y cae ar gyfer yr anthemau.

  15. Cerdyn coch ar y ffordd?

    Owain Tudur Jones
    Cyn-chwaraewr Cymru

    Un peth am Verratti – mae hwn yn gallu colli ei ben felly rhai i ni wneud yn siŵr - Joe Allen a Joe Morrell - fynd yn agos ato fo a gwneud o’n anodd iddo fo, a phwy a ŵyr falle fyddwn ni’n gweld y tîm cartref i lawr i 10 dyn...

  16. Cic sâl Barella

    Carl Roberts
    Chwaraeon BBC Cymru

    Mae eilydd yr Eidal Nicolo Barella newydd ymddiheuro i'r dyn camera y tu ôl i'r gôl ar ol i'w ergyd daro fo ar ei ben. Y dyn camera yn iawn!

  17. 'Symudiad da gan Rob Page'

    'Tash' Harding
    Chwaraewr rhyngwladol Cymru

    Dwi meddwl bod hi'n symudiad da gan Rob Page, fi'n gwbod bod ni ddim drwodd gant y cant, mae'n edrych tuag at y gemau nesaf, a dysgu o'r twrnament diwethaf pan wnaeth y bois golli allan ar gerdyn melyn. Fi'n meddwl bod e'n symudiad da gan Rob Page.

  18. 'Gobeithio gwnawn ni gadw ein pennau'

    Nicky John
    Rhaglen Ewro Marc, BBC Radio Cymru

    Dyma farn Nicky John o raglen Ewro Marc o'r tîm fydd yn dechrau'r gêm yn Rhufain.

    Cofiwch wrando ar Ewro Marc yn syth ar ôl y gêm am 19:00 ar BBC Radio Cymru.

    Cysylltwch ar 03703 500 500 neu 67500 ar y testun.

  19. 'Am awyrgylch'

    Iwan Roberts
    Cyn-ymosodwr Cymru

    Mae hwn yn un o'r meysydd gorau dwi wedi gweld. Unwaith ti yn cerdded i fewn mae dy ên di yn cyffwrdd y llawr. Mae yna awyrgylch da yma.

    cefnogwyrGetty Images

    Mae 'na ambell fricsen o'r Wal Goch wedi cyrraedd Rhufain

  20. Digon o sŵn yma

    Carl Roberts
    Chwaraeon BBC Cymru

    Mae digon o sŵn yn y Stadio Olimpico heddiw. Dwi ar ochr y cae yn gwylio'r Eidalwyr yn ymarfer.

    Eidalwyr yn ymarfer