Kasper Dolberg yn rhoi Denmarc ar y blaen ar ôl 27 munud ac yn rhwydo'i ail ar ôl 48 munud
Joakim Maehle a Martin Braithwaite yn selio'r fuddugoliaeth
Harry Wilson yn derbyn cerdyn coch hallt am dacl hwyr
Connor Roberts yn gadael y cae gydag anaf yn yr hanner cyntaf, Neco Williams yn ei le
Cymru'n cychwyn gyda'r 11 a ddechreuodd yn erbyn y Swistir a Thwrci
Ben Davies, Kieffer Moore a Chris Mepham y newidiadau o'r golled yn erbyn Yr Eidal; Ethan Ampadu wedi'i wahardd
Denmarc yn gwneud dau newid - Jens Stryger Larsen a Kasper Dolberg yn lle Daniel Wass a Yusuff Poulsen
Denmarc oedd y ffefrynnau gan y bwcis i fynd ymlaen i'r rownd nesaf
Taith i Baku sy'n wynebu Denmarc yn rownd yr wyth olaf
BBC Cymru Fyw
Mae'r daith ar ben am Euro 2020.
Un fantais o weld y bencampwriaeth yn cael ei gohirio am flwyddyn yw mai dim ond un flwyddyn sy'n rhaid disgwyl am y bencampwriaeth nesaf.
Cwpan y Byd 2022 yw honno, ac fe allwn ni nawr ddechre gobeithio y bydd Cymru'n cyrraedd y rowndiau terfynol yn Qatar!
C'mon Cymru!
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
BBC Cymru Fyw
Mae'r daith ar ben am y tro hwn.
Ond fe wnaeth Cymru gyrraedd 16 gorau Ewrop unwaith eto, felly mae balchder hefyd.
Diwedd y gêm
Carl Roberts oedd yn holi Gareth Bale ar y diwedd, ond roedd ymateb capten Cymru pan ofynnwyd iddo am ei ddyfodol gyda Chymru, roedd yr ymateb yn reit ffyrnig!
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Iwan Roberts
Cyn-ymosodwr Cymru
Quote MessageMae'r gystadleuaeth yma'n ofnadwy o annheg. Dim ond dwy wlad sy' wedi 'neud mwy o drafeilio na Cymru - Y Swistir a Sweden. Dim esgusodion - alla i ddim dallt pam bo' cefnogwyr Cymru ddim yn cael trafeilio a bod y lle 'ma'n llawn o gefnogwyr Denmarc. Ond llongyfarchiadau iddyn nhw - maen nhw'n well tîm na ni.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Ffynhonnell y llun, Getty Images..ac ymhob man arall a dweud y gwir.
Roedd teimladau'r criw yn y Saith Seren yn Wrecsam yn adlewyrchu teimladau pawb drwy Gymru.
Malcolm Allen
Cyn ymosodwr Cymru
Quote MessageDwi ddim yn credu mai dyma ddiwedd Gareth Bale i Gymru.. fydd o ddim isho mynd allan gyda cholled fel hyn, ac mae ganddo fo mwy i roi
Iwan Roberts
Cyn-ymosodwr Cymru
Quote MessageRy'n ni wedi colli yn erbyn tîm gwell heddiw. Doedd hi ddim yn hawdd i Gymru - mae nhw wedi gorfod trafaelio lot a heddiw roedd 99% o gefnogwyr o blaid Denmarc. Un peth - mae'n rhaid i ni gael mwy o barch pan 'dan ni'n colli.
Ffynhonnell y llun, Getty Images
Dylan Griffiths
Chwaraeon BBC Cymru
Quote MessageA dyna'r hoelen olaf yn yr arch i Gymru ac mae chwaraewyr Cymru yn llyfu eu clwyfau. Mae nhw bellach ar eu ffordd yn ôl i Gymru. Mae wedi bod yn boenus - a fydd dim ailadrodd campau Euro 2016.
Nic Parry
Sylwebydd S4C
Quote Message'Da ni'n diolch i Gymru am yr hyn gawson ni ganddyn nhw... 'da ni'n llongyfarch Denmarc am be welson ni heddiw
Cymru 0-4 Denmarc
BBC Cymru Fyw
Does dim dadlau... Denmarc oedd yn feistri ar y diwrnod.
Mae hi ar ben yn Amsterdam, ac mae Cymru wedi colli o 4-0 i Ddenmarc.
Cymru 0-4 Denmarc
Mae'n chwalfa.
VAR yn edrych ar y digwyddiad eto, ac yn caniatau gol Martin Braithwaite... mae'n bedair i Ddenmarc.
Ffynhonnell y llun, Getty ImagesCymru 0-4 Denmarc
Iwan Roberts
Cyn-ymosodwr Cymru
Quote MessageDwi erioed wedi gweld Cymru yn cael cymaint o gardiau coch. Ond 'dan ni ddim yn dîm budr! Rhaid peidio colli'n pennau.
Cymru 0-3 Denmarc
Brathwaite yn rhwydo eto, ond roedd e'n camsefyll... mae'n parhau yn 3-0 yn ddwfn i mewn i amser ychwanegol.
Cymru 0-3 Denmarc
Cerdyn Melyn
Diffyg disgyblaeth lwyr nawr... Gareth Bale yn gweld cerdyn melyn am wawdio'r dyfarnwr!
Ffynhonnell y llun, Getty ImagesDylan Griffiths
Chwaraeon BBC Cymru
Quote MessageCweir yn Amsterdam. Mae ar ben ar Gymru.