Crynodeb

  • Kasper Dolberg yn rhoi Denmarc ar y blaen ar ôl 27 munud ac yn rhwydo'i ail ar ôl 48 munud

  • Joakim Maehle a Martin Braithwaite yn selio'r fuddugoliaeth

  • Harry Wilson yn derbyn cerdyn coch hallt am dacl hwyr

  • Connor Roberts yn gadael y cae gydag anaf yn yr hanner cyntaf, Neco Williams yn ei le

  • Cymru'n cychwyn gyda'r 11 a ddechreuodd yn erbyn y Swistir a Thwrci

  • Ben Davies, Kieffer Moore a Chris Mepham y newidiadau o'r golled yn erbyn Yr Eidal; Ethan Ampadu wedi'i wahardd

  • Denmarc yn gwneud dau newid - Jens Stryger Larsen a Kasper Dolberg yn lle Daniel Wass a Yusuff Poulsen

  • Denmarc oedd y ffefrynnau gan y bwcis i fynd ymlaen i'r rownd nesaf

  • Taith i Baku sy'n wynebu Denmarc yn rownd yr wyth olaf

Y diweddaraf yn fyw

  1. Halen ar y briw!

    Cymru 0-3 Denmarc

    Cerdyn Coch

    Harry Wilson sy'n gweld cerdyn coch am dacl ar Maehle, ond mae'n ymddangos yn gosb hallt dros ben!

    cochGetty Images

  2. Maehle'n sgori'r drydedd

    Cymru 0-3 Denmarc

    Roedd gan Maehle ddigonedd o le yn y cwrt ac fe aeth ei ergyd yn daclus i'r gornel.

  3. Yr haeddiant i Ddenmarc

    Cymru 0-3 Denmarc

    Gwennan Harries
    Cyn ymosodwr Cymru

    Blinder yn bendant yn fanna, ond roeddech chi'n teimlo fod honna'n dod a bod Denmarc yn ei haeddu

  4. Mae'n chwalfa!

    Cymru 0-3 Denmarc

    denmarc

  5. Cwestiynau am ddyfodol Bale o bosib

    Iwan Roberts
    Cyn-ymosodwr Cymru

    'Dan ni ddim wedi cyrraedd y safon a welon ni yn erbyn Twrci. Ro'n ni ar dân yn Baku yn yr hanner cyntaf. Dwi'n siwr bydd cwestiynau yn cael eu holi am ddyfodol Bale ar ôl hyn.

    baleGetty Images

  6. Denmarc yn taro'r postyn!

    Cymru 0-2 Denmarc

    Sgarmes yn y cwrt a Brathwaite sy'n tanio ergyd heibio'r postyn wedi i Cornelius daro'r postyn gyda'i ergyd yntau...

  7. 'Kieffer Moore wedi bod yn anlwcus heno'

    Iwan Roberts
    Cyn-ymosodwr Cymru

    Mae Kieffer Moore wedi bod yn hynod o anlwcus heno - dwi'n teimlo dros yr hogyn. Perfformiad Dan James wedi bod yn siomedig yn y gêm - ddim fel ei berfformiad yn y gemau eraill.

  8. Dim un cic yn taro'r targed

    Does dim un ergyd gan Gymru wedi taro’r targed hyd yma. Mae dal amser, ond mae yna fynydd yn eu hwynebu yn y munudau olaf.

    Kiefer MooreGetty

  9. Deg i fynd... mae angen sgorio!

    Cymru 0-2 Denmarc

    Nic Parry
    Sylwebydd S4C

    Fasa un fach nawr yn creu drama am y deg munud olaf

  10. Nid argraff fel yna!

    Cymru 0-2 Denmarc

    Cerdyn Melyn

    Mae David Brooks wedi gweld cerdyn melyn yn syth...Cornelius redodd o'i hanner ei hun i ymyl cwrt Cymru cyn i Brooks ei faglu.

  11. Malcs yn cael ei ddymuniad

    Cymru 0-2 Denmarc

    Eilyddio

    Mae Tyler Roberts ymlaen yn lle Kieffer Moore, ac ma Dan James yn gadael hefyd gyda David Brooks yn cael cyfle i greu argraff.

    12 munud yn weddill....

    Moore yn gadael y maesGetty Images

  12. Capten Denmarc yn gadael

    Eilyddio

    Mae'n ymddangos bod Simon Kjaer wedi cael anaf, a Jorgensen sydd ymlaen yn ei le.

  13. Malcs am weld eilydd

    Malcolm Allen
    Cyn ymosodwr Cymru

    I mi rhaid i ni gael Tyler Roberts yn lle Kieffer Moore... dydi o heb fod yr un peth ers y gerdyn felen ac mae angen coesau ffresh

  14. 'Digon yn y tanc i ddod yn ôl'

    Iwan Roberts
    Cyn-ymosodwr Cymru

    Mae'n rhaid codi pennau. Mae digon yn y tanc i ddod yn ôl. 'Dan ni angen Ramsey a Bale ar y bêl.

  15. Rhwystredigaeth yn Wrecsam

    Does dim golwg bod y criw yn y Saith Seren yn Wrecsam yn mwynhau'r aill hanner rhyw lawer!

    7 seren

  16. Dolberg yn gadael... diolch byth

    Cymru 0-2 Denmarc

    Eilyddio

    Kasper Dolberg yn gadael y cae a chyn ymosodwr Caerdydd, Andreas Cornelius sy'n dod ymlaen yn ei le

  17. Gwell, ond ddim digon da

    Malcolm Allen
    Cyn ymosodwr Cymru

    'Da ni'n edrych yn well, ond 'da ni ddim yn neud digon. Mae Denmarc wedi syrthio nol, ond dydi Cymru ddim yn treiddio digon

  18. 'Bydd rhaid bod yn fentrus'

    'Tash' Harding
    Chwaraewr rhyngwladol Cymru

    'Does dim dewis gan Gymru nawr dim ond mynd amdani. Efallai bydd hynna'n rhoi gôl arall i Ddenmarc ond mae'n rhaid iddyn nhw gymryd pob risg a bod yn fentrus.

  19. Trwch blewyn o drydedd!

    Cymru 0-2 Denmarc

    Jensen yn tanio o ongl fain, a Chymru'n falch o weld hi'n mynd heibio'r postyn o drwch blewyn!

    25 munud anferth i ddod...

  20. 'Rhaid i Denmarc beidio cael gôl arall'

    Dylan Griffiths
    Chwaraeon BBC Cymru

    Os 'dan ni'n ildio un arall mae'n gobeithion ni ar ben. Rhaid cadw ein pennau. Pwy a ŵyr os gawn ni gôl?