Ail gêm Cymru yng Ngrŵp B Cwpan y Byd Qatar 2022
Iran wedi cael y bêl yn y rhwyd yn gynnar, ond camsefyll yn rhoi dihangfa i Gymru
Y gwrthwynebwyr hefyd wedi taro'r postyn ddwywaith ar ddechrau'r ail hanner
Wayne Hennessey wedi cael cerdyn coch gyda phum munud i fynd
Cheshmi a Rezaeian yna'n rhwydo dwy gôl yn y munudau olaf i Iran
Cymru nawr angen trechu Lloegr i gael unrhyw obaith o fynd trwodd i'r 16 olaf
Osian Roberts
Cyn-is-reolwr Cymru ar S4C
Emosiwn nos Lun, tensiwn heddiw 'ma.
Does 'na'm byd rhwng y ddau dîm - mae'r gêm yn eitha' agored a'r ddau dîm yn edrych fel y gallan nhw sgorio'r gôl gynta' 'na.
Sosban Fach
Kath Morgan
Cyn-gapten Cymru ar BBC Radio Cymru
Diolch byth am Ethan Ampadu unwaith eto - mae e 'di bod yn arwrol hyd yn hyn.
Ond mae angen help arno fe - opsiynau.
Yn ymosodol mae angen i ni edrych ar ôl y bêl yn well a bod bach yn fwy creadigol.
Ond pan mae Iran yn gwrthymosod maen nhw'n edrych fel sgorio.
Ffynhonnell y llun, Getty ImagesKath Morgan
Cyn-gapten Cymru ar BBC Radio Cymru
Dylen ni weld Brennan Johnson yn dod ymlaen ar hanner amser.
'Neith e drio curo'r dynion ar y tu allan. Dim ond Neco Williams sy'n gwneud hynny ar hyn o bryd.
I fi, mae angen bach mwy o egni i guro'r dyn a wedyn chwipio'r bêl i mewn.
Ar hyn o bryd mae Iran yn rhagweld yn union beth ni'n mynd i wneud.
Y Wal Goch yn bryderus yn Nhreganna...
Iwan Roberts
Cyn-ymosodwr Cymru ar BBC Radio Cymru
Dydy Wayne Hennessey ddim wedi cael dim byd i 'neud tan funud ola'r hanner cynta'.
Doedd hi ddim yn un hawdd chwaith - yn bownsio reit o'i flaen o.
O'r gic rydd, y bêl yn mynd i ardal beryglus yn y cwrt, ac mae Iran bron yn sgorio eto.
Amddiffyn Cymru yn aros yn gadarn, a'r bêl yn nwylo Wayne Hennessey i orffen yr hanner.
Mae Cymru'n pwyso tuag at ddiwedd yr hanner, ond Iran yn atgoffa eu bod nhw'n beryglus hefyd.
Croesiad gwych i mewn i'r cwrt tuag at Azmoun, ond mae Rodon yn gwneud digon i'w atal rhag cael ergyd.
Yr ymosodiad nesaf gan Iran ac mae Taremi heibio Rodon, sy'n ei gymryd i lawr ar yr asgell. Melyn i Rodon. Haeddiannol.
Ffynhonnell y llun, Getty Images
Gwennan Harries
Cyn-ymosodwr Cymru ar S4C
Mae'r gêm wedi bod llawer yn fwy agored nag y byddai unrhyw un wedi disgwyl.
Mae strwythur Iran wedi bod gymaint yn well, a maen nhw 'di bod llawer gwell nag o'n i wedi disgwyl ar ôl gweld y gêm ddiwethaf.
Ond - pum newid i'r tîm, maen nhw bendant yn teimlo'n fwy hyderus a gallwn ni weld hynny yn y ffordd maen nhw 'di gosod y tîm i fyny.
Chwarae gwell gan Gymru, pas Ramsey yn torri drwy amddiffyn Iran, Moore yn ei chyffwrdd, ond ergyd Harry Wilson yn hedfan heibio'r postyn.
Maen nhw'n dod yn ôl eto yn fuan wedyn, Mepham yn rhyng-gipio, ond Bale yn camsefyll yn y pendraw.
Iwan Roberts
Cyn-ymosodwr Cymru ar BBC Radio Cymru
Mae'r gôl gynta' yn mynd i fod yn hollbwysig.
Tasan ni'n ei chael hi, alla i 'mond dychmygu y bysa pennau chwaraewyr Iran yn disgyn a meddwl 'dyma ni'n mynd unwaith eto'.
Ffynhonnell y llun, Getty Images
Dylan Griffiths
Sylwebydd BBC Radio Cymru yn Qatar
Roeddan ni yn y gynhadledd newyddion ddoe, a gwahaniaeth goliau yn cael ei drafod.
Wel ar hyn o bryd, 'swn i'n fodlon ar 1-0 i Gymru - cipio'r triphwynt a symud 'mlaen!
Gwennan Harries
Cyn-ymosodwr Cymru ar S4C
Mae chwaraewyr Cymru yn cymryd gormod o gyffyrddiadau o'r bêl - yn enwedig Connor Roberts, Neco Williams.
Mae'n rhaid rhyddhau'r pas yn gyflymach.
Wedyn os ydych chi'n edrych lan o'r pas, welwch chi fod yna gymaint o fylchau i chwaraewyr Cymru redeg mewn iddyn nhw.
Mae methu bod yn Kieffer Moore yn 'neud y rhediadau 'na drwy'r amser.
Ffynhonnell y llun, Getty Images
Ffynhonnell y llun, Ysgol Gynradd AberaeronPlant Ysgol Gynradd Aberaeron yn rhydd o'r gwersi ac yn cael gwylio'r gêm
Ffynhonnell y llun, Ysgol Gynradd AberaeronMae Cymru wedi cael 54% o'r meddiant, ond dydyn nhw heb greu llawer o gyfleoedd gyda hynny.
Yn sicr Iran sydd wedi edrych fel y tîm mwyaf peryglus hyd yn hyn.
Trosedd ar Ampadu, a Ramsey'n codi'r bêl i mewn i'r cwrt ond mae'n bas siomedig iawn, a'r bêl yn dod yr holl ffordd yn ôl at Hennessey.
Iwan Roberts
Cyn-ymosodwr Cymru ar BBC Radio Cymru
Prin 'dan ni di crybwyll Ramsey a Bale - yr un o'r ddau wedi cael dylanwad hyd yma.
Mae'n rhaid i'r chwaraewyr mawr ddangos y ffordd i'r chwaraewr eraill.
Rhaid i Ramsey gael ei hun ar y bêl - mae ganddo fo'r gallu i agor pethau allan.
Ffynhonnell y llun, Getty ImagesKath Morgan
Cyn-gapten Cymru ar BBC Radio Cymru
Ni'n gwneud pasys dall ar hyn o bryd - mae'n iawn os ni'n gwybod bod nhw'n mynd i gyrraedd.
Mae gormod o hynny'n digwydd a dy'n ni'n mynd i gael ein cosbi ymhen ychydig.
Mae'n rhaid i Gymru ddangos mwy o ddisgyblaeth.