Ail gêm Cymru yng Ngrŵp B Cwpan y Byd Qatar 2022
Iran wedi cael y bêl yn y rhwyd yn gynnar, ond camsefyll yn rhoi dihangfa i Gymru
Y gwrthwynebwyr hefyd wedi taro'r postyn ddwywaith ar ddechrau'r ail hanner
Wayne Hennessey wedi cael cerdyn coch gyda phum munud i fynd
Cheshmi a Rezaeian yna'n rhwydo dwy gôl yn y munudau olaf i Iran
Cymru nawr angen trechu Lloegr i gael unrhyw obaith o fynd trwodd i'r 16 olaf
Roedd Hen Wlad Fy Nhadau'n cael ei bloeddio gan y Wal Goch fel yr afer yna.
Yn wahanol i gêm Lloegr, mae chwaraewyr Iran yn canu eu hanthem nhw heddiw.
Ond tipyn o gefnogwyr yn y stadiwm yn chwibanu a bwio wrth iddyn nhw wneud.
Dyma ni felly, mae'r chwaraewyr allan ar y cae, a'r anthemau fydd nesaf.
Kath Morgan
Cyn-gapten Cymru ar BBC Radio Cymru
Cafodd Gareth Bale gêm eitha' sâl nos Lun a bod yn onest.
O'n i just wedi dweud bod angen i Bale ddod oddi ar y cae ac wedyn mae'n ennill a sgorio cic o'r smotyn i ni!
'Neith e gyfrannu faint mae'n gallu - ni ddim yn siŵr beth yw ei gyflwr corfforol e.
Ond y gwir yw, weithiau mae'n rhaid derbyn bod ei gyfraniad e yn anhygoel, ac efallai bod rhaid bod yn amyneddgar nes iddo greu rhyw fath o hud ar y cae.
Ffynhonnell y llun, Getty ImagesDydy hi'n sicr ddim mor gynnes yng Nghaerdydd, ond mae'r awyrgylch yn adeiladu yma hefyd!
Cefnogwyr Cymru yn ymgynnull yng Nghaerdydd ben bore
Mae'r awyrgylch yn adeiladu yn Doha, a dipyn o sŵn tu allan i'r stadiwm cyn y gêm!
Mae'r mannequins papur yna bron mor dal â Kieffer Moore!
Sŵn tu fas y stadiwm
Owain Tudur Jones
Cyn-chwaraewr Cymru ar S4C
Mae pwysigrwydd Kieffer Moore ers iddo fo dorri mewn i’r tîm yn hollol amlwg.
Allan o feddiant – fo ydy’r un sy’n rhoi pwysau ar y bêl.
'Dan ni hefyd isio ei weld o yn y cwrt cosbi – mi neith o daro’r rhwyd, mae o’n gymaint o fygythiad.
Iolo Cheung
Gohebydd BBC Cymru Fyw yn Qatar
Mae’r haul bellach wedi dod 'rownd yn Stadiwm Ahmad bin Ali, a chefnogwyr Cymru reit yn ei llygad hi.
Felly gobeithio eu bod nhw i gyd wedi cofio eu hetiau bwced!
Ffynhonnell y llun, Getty Images
Ffynhonnell y llun, PA MediaCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Gwennan Harries
Cyn-ymosodwr Cymru ar S4C
O'n i wedi dweud, efallai 'dan ni 'di dechrau'n wael.
Ond os chi’n edrych yn ôl i Ewro 2016, Ewro diwetha', yr ail gêm ‘naethon ni danio – a gobeithio bydd heddiw yr un peth.
Mae'r gêm ar ddechrau'r dydd, syth mewn - a gobeithio cael dechrau da.
Owain Tudur Jones
Cyn-chwaraewr Cymru ar S4C
Bydd angen sbarc ychwanegol ar y tîm wrth herio Iran yn eitha' cynnar yn y dydd heddiw.
Pan mae 'na gêm yn dechrau’n gynnar, yn aml iawn mae’r egni’n isel.
Mae o fyny i Rob Page i 'neud yn siŵr fod y neges yn glir: Sgenna ni ddim hanner cyntaf i dyfu fewn i’r gêm, mae’n rhaid dechrau’n sydyn.
Iwan Roberts
Cyn-ymosodwr Cymru ar BBC Radio Cymru
Mae Iran yn mynd i ymateb i'r perfformiad ofnadwy 'na, ac i fod yn deg dydy o ddim yn adlewyrchiad iawn ohonyn nhw fel tîm yn fy marn i.
Am hanner awr 'naethon nhw gadw Lloegr yn ddistaw cyn iddyn nhw golli eu golwr profiadol.
Edrychwch ar eu record nhw - yr 20 gêm cyn honno, dwy oeddan nhw 'di golli, ennill 15, a heb ildio mewn 13.
Maen nhw'n dîm llawer gwell na be' 'naethon nhw ddangos ar y diwrnod.
Ffynhonnell y llun, Getty ImagesIan Rush, cyn-chwaraewr i Gymru fu'n rhannu geiriau doeth ar BBC Breakfast:
“Mae’n rhaid i chi deimlo yn hyderus, roedd yr ail hanner yn erbyn UDA yn berfformiad grêt.
“Dwi’n edrych ymlaen, mae’r kick off am 13:00 ac mae hi am fod yn 29 i 30 gradd, felly gobeithio y bydd y system oeri aer yn effeithiol yn y stadiwm.
“Yn 1958 aethom ni i’r chwarteri, gobeithio gallwn ni wneud yr un fath eto, ond mae ein chwaraewyr ni, beth maen nhw wedi ei wneud drwy chwarae yng Nghwpan y Byd ydy rhoi Cymru ar fap y byd.
“Mae pobl yn y Dwyrain Canol a’r Dwyrain Pell yn gwybod bellach nad Cymru ydy Lloegr, rydym yn genedl ein hunain ac mae hynny’n rhywbeth i ymfalchio ynddo.”
Mae Sam a Sassan yn byw yn Llundain ond mae ganddyn nhw deulu o Iran, ac felly fe fyddan nhw’n cefnogi gwrthwynebwyr Cymru heddiw.
Yn ôl Sam bydd Iran yn ennill 1-0, ond cyfartal 1-1 yw darogan Sassan.
Iolo Cheung
Gohebydd BBC Cymru Fyw yn Qatar
Mae nifer o gefnogwyr wedi cadarnhau fod y swyddogion diogelwch wedi bod llawer yn fwy llym heddiw nag oedden nhw yn ystod gêm UDA.
Mae fflagiau oedd yn rhy fawr ymhlith y pethau gafodd eu cymryd oddi ar gefnogwyr, gyda bagiau hefyd yn cael eu harchwilio’n llawer mwy trylwyr heddiw.
‘Dan ni ar ddeall bod hynny’n rhannol oherwydd mai Iran ydy’r gwrthwynebwyr, a’r awdurdodau felly’n awyddus i sicrhau nad oes unrhyw ddeunydd sy’n cefnogi’r protestiadau yno yn canfod eu ffordd i mewn i’r stadiwm.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Mae 'na sawl newid i dîm Iran ar gyfer y gêm - dydy'r golwr Alireza Beiranvand ddim yn chwarae yn dilyn y cyfergyd a gafodd yn erbyn Lloegr - Hossein Hosseini fydd yn y gôl.
Mae Sadegh Moharrami a Sardar Azmoun hefyd wedi eu cynnwys heddiw, gydag Iran yn mynd am dîm sy'n fwy ymosodol na wnaethon nhw yn erbyn y Saeson.
Iran: Hosseini, Hajsafi, Mohammadi, Ezatolahi, Pouraliganji, Taremi, Gholizadeh, Hosseini, Azmoun, Nourollahi, Rezaeian.
Kath Morgan
Cyn-gapten Cymru ar BBC Radio Cymru
Fi bach yn rhwystredig a bod yn onest - o'n i'n meddwl bod Brennan Johnson yn haeddu lle i ddechrau'r gêm yma.
Mae Harry Wilson falle â bach i brofi heddiw 'ma.
Ffynhonnell y llun, Getty Images