Crynodeb

  • Ail gêm Cymru yng Ngrŵp B Cwpan y Byd Qatar 2022

  • Iran wedi cael y bêl yn y rhwyd yn gynnar, ond camsefyll yn rhoi dihangfa i Gymru

  • Y gwrthwynebwyr hefyd wedi taro'r postyn ddwywaith ar ddechrau'r ail hanner

  • Wayne Hennessey wedi cael cerdyn coch gyda phum munud i fynd

  • Cheshmi a Rezaeian yna'n rhwydo dwy gôl yn y munudau olaf i Iran

  • Cymru nawr angen trechu Lloegr i gael unrhyw obaith o fynd trwodd i'r 16 olaf

Y diweddaraf yn fyw

  1. Azmoun yn parhau

    Mae Azmoun yn ôl ar ei draed, ond dydy o ddim yn edrych yn gyfforddus...

  2. Diolch, VAR...

    Roedd yna dipyn o ryddhad ymhlith cefnogwyr Cymru yn Depot, Caerdydd pan benderfynwyd na fyddai gôl Iran yn cael ei gyfri'.

    Diolch byth!

  3. Anaf i Azmoun?

    Amddiffyn gwell y tro hwn gan Rodon wrth i Azmoun ymosod drwy ganol y cae.

    Rodon yn ddigon cyflym i aros gydag ymosodwr Leverkusen, sydd yn aros i lawr ar ôl y dacl.

    Oes na anaf i chwaraewr gorau Iran hyd yn hyn heddiw?

  4. 'Angen ymateb yn gyflymach'

    Gwennan Harries
    Cyn-ymosodwr Cymru ar S4C

    Beth sy'n fy mhryderu i - mae Iran yn dda iawn mewn sefyllfa transition.

    Pan maen nhw'n ennill y meddiant yna maen nhw'n dda, dda iawn.

    Mae angen i Gymru ymateb yn gyflymach.

  5. 'Awydd yn y chwarae'

    Nic Parry
    Sylwebydd Sgorio ar S4C

    Mae 'na awydd yn y chwarae - mae chwaraewyr Iran yn dangos eu hangerdd.

    Maen nhw'n disgwyl i'r chwaraewr nesa' fod ar gymaint o ruthr a gymaint o dân â nhw eu hunain.

    Mae 'na flas gornest gyffrous, gystadleuol yma'n barod.

  6. Cefnogwyr Iran yn uchel eu cloch

    Iolo Cheung
    Gohebydd BBC Cymru Fyw yn Qatar

    Hyd yn oed o ganol eisteddle Cymru, cefnogwyr Iran sy’n gwneud y mwyaf o sŵn o bellffordd hyd yma.

    IranGetty Images

  7. Cyfle arall i Iran

    Ampadu yn ildio cic rydd i Iran wrth iddyn nhw wrthymosod unwaith eto.

    Rezaeian sydd drosti i Iran, ac yn rhoi'r bêl i mewn i'r cwrt, ond mae peniad Azmoun yn methu'r targed.

  8. Cic rydd i Gymru

    Chwarae taclus gan Gymru ar y dde, a Bale yn ennill cic rydd - Capten Cymru wedi ei daro yn ei wyneb yn fan'a.

    Harry Wilson sy'n ei chymryd hi, ond y golwr Hosseini yn gryf ac yn clirio.

    Mae 'na gyfle i Iran wrthymosod, a'r crysau gwyn yn heidio ymlaen.

    Mae amddiffynwyr Cymru'n cael trafferth ymdopi gyda thri ymosodwr Iran ar hyn o bryd.

  9. 'Be sy'n mynd trwy ben Connor Roberts?'

    Iwan Roberts
    Cyn-ymosodwr Cymru ar BBC Radio Cymru

    Be sy'n mynd trwy ben Connor Roberts?

    Ti'n dysgu'r wers yna pan ti'n ifanc - peidiwch chwarae'r bêl ar draws y cae.

    Cymru'n ofnadwy o ffodus.

  10. Dihangfa i Gymru...

    Camsefyll gan Iran, dydy'r gôl ddim yn cyfri'. VAR yn achub Cymru.

  11. Gôl i Iran?

    Neu oes na gamsefyll?

  12. Allwch chi wneud dim heb y bêl...

    Iwan Roberts
    Cyn-ymosodwr Cymru ar BBC Radio Cymru

    Mae'n rhaid i ni ddechrau cael gafael ar y bêl, ac ar y gêm.

    Dwi'n licio tempo uchel, ond rŵan, jyst cadw'r bêl.

  13. Cyfle gwych i Moore

    Cymru'n cadw meddiant am y tro cyntaf, a'r bêl i mewn i'r cwrt o'r dde gan Connor Roberts yn rhoi cyfle gwych i Moore!

    Ond mae ergyd Moore yn syth at y golwr.

    Gwell gan Gymru.

    Chans Moore

  14. Mae Iran wedi dangos pasio slic a chywir ym munudau cyntaf y gêm yma - maen nhw'n dîm gwahanol i'r un heriodd Lloegr ddydd Llun.

    Cyfnod o feddiant i Gymru wrth i Ampadu ganfod Ramsey, ond dyw croesiad Ramsey ddim yn ddigon cywir ac mae'r bêl allan am gic gôl.

  15. 'Angen chwaraewyr i redeg oddi ar Moore'

    Iwan Roberts
    Cyn-ymosodwr Cymru ar BBC Radio Cymru

    Pan mae'r bêl 'na'n cael ei chwarae at Kieffer Moore 'dach chi'n gallu gweld ei fod o'n mynd i'w hennill hi.

    Mae'n rhaid i ni gael chwaraewyr yn rhedeg oddi arno fo.

  16. Eiliadau nerfus i Gymru

    Gwaith cynnar i Chris Mepham yn amddiffyn Cymru hefyd - pêl hir dros y top gan Iran ond mae Mepham yn effro i'r perygl ac yn penio at Hennessey.

    Mae Iran yn ymosod eto drwy Azmoun - Ben Davies y tro hwn yn clirio'r croesiad.

    Mae Sardar Azmoun yn achosi problemau.

  17. Mae ysgolion Cymru'n llawn waliau coch heddiw!

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  18. Effaith Moore yn glir

    Dechrau bler i'r gêm gyda'r un tîm yn gallu cadw meddiant.

    Ond effaith Kieffer Moore i'w weld yn syth wrth iddo benio pêl hir i lawr i Harry Wilson, sy'n canfod Neco Williams.

    Ergyd gan Williams, ond mae hi'n rhy uchel.

  19. Y gic gyntaf

    Ramsey'n dechrau'r gêm - CMON CYMRU!

  20. Siom gweld cynifer o seddi gwag

    Iwan Roberts
    Cyn-ymosodwr Cymru ar BBC Radio Cymru

    Mae'n siomedig, pan ti'n dod i dwrnament mor fawr â Chwpan y Byd, mae'n siomedig gweld nifer fawr o seddi gwag yn y stadiwm 'ma.

    CefnogwyrGetty Images