Crynodeb

  • Perfformiad da gan Lafur wrth iddyn nhw ennill 30 sedd hyd yma yn etholiad Senedd 2021

  • Leanne Wood yn colli sedd Plaid Cymru yn y Rhondda

  • Y Ceidwadwyr yn cipio Dyffryn Clwyd oddi ar y Blaid Lafur a Brycheiniog a Sir Faesyfed gan y Dem Rhydd

  • Jane Dodds yn ennill sedd ranbarth ar ran y Democratiaid Rhyddfrydol

  • Canlyniad dau ranbarth yn cael eu cyhoeddi ddydd Sadwrn

Y diweddaraf yn fyw

  1. Llafur yn cadw Blaenau Gwent
    Newydd dorri

    Llafur Cymru

    Blaenau Gwent

  2. Cyfforddus yn Aberconwy, ond ymgyrch wedi 'brawychu'

    Roedd 'na sibrydion y byddai Plaid Cymru'n agos yn Aberconwy, ond roedd y canlyniad yn gyfforddus yn y diwedd i Janet Finch-Saunders a'r Ceidwadwyr.

    Ond wrth siarad ar ôl y canlyniad, fe wnaeth Ms Finch-Saunders ddweud ei bod wedi ei "brawychu" gan ymosodiadau personol yn ei herbyn hi a'i theulu yn ystod yr ymgyrch.

    Dywedodd ei bod wedi sefyll mewn naw etholiad, a phob un gyda "chwrteisi", ond y tro hwn ei bod wedi profi "sarhad personol gan fy ngwrthwynebwyr, ac yn syml nid yw'n ymddygiad personol i unrhyw un sydd eisiau mynd i fywyd cyhoeddus".

    Aberconwy

  3. 'Optimistaidd, ond ddim yn hyderus' yn Llanelli

    S4C

    Wrth siarad â rhaglen Etholiad S4C, dywedodd Helen Mary Jones, ymgeisydd Plaid Cymru yn Llanelli:

    “Mae’n anodd gwybod sut mae hi yn mynd oherwydd y rheolau ond mae hi yn edrych yn agos iawn iawn.”

    “Yn hytrach na’r naw mis fel arfer dan ni allan, pedair wythnos ydan ni wedi ei gael.

    “Fel ymgeisydd mae o’n eitha ‘nerve wracking’!”

    Mae hi’n cydnabod bod arweinyddiaeth Mark Drakeford yn ystod y pandemig wedi gwneud ymgyrch Plaid Cymru yn anoddach.

    “Dwi’n optimistaidd, ond ddim yn hyderus.”

    Helen mary Jones

  4. Plaid Cymru'n cadw Dwyfor Meirionnydd
    Newydd dorri

    Plaid Cymru

    Dwyfor Meirionnydd

  5. Llafur yn cadw Castell-nedd
    Newydd dorri

    Llafur Cymru

    Castell-nedd

  6. Ceidwadwyr yn cadw Gorllewin Clwyd
    Newydd dorri

    Ceidwadwyr Cymreig

    Gorllewin Clwyd

  7. Y map yn prysur lenwi

    Wedi'r clwstwr yna o ganlyniadau, fel hyn mae'r map yn edrych erbyn hyn.

    Dim ond un sedd sydd wedi newid dwylo hyd yma, sef Dyffryn Clwyd, gyda'r Ceidwadwyr yn cipio honno oddi ar y Blaid Lafur.

    map

  8. 'Canlyniadau calonogol i Lafur Cymru'

    Ar ôl y canlyniadau sydd wedi eu cyhoeddi hyd yn hyn, mae'r Athro John Curtice, arbenigwr ar etholiadau, yn dweud bod arwyddion bod Llafur wedi gwneud yn well na'r disgwyl heddiw.

    "Roedd y polau'n awgrymu y byddai'r Ceidwadwyr yn gwneud camau mawr ymlaen ar draul cwymp UKIP ers 2016", meddai.

    "Ond hyd yma mae pleidlais Llafur wedi cynyddu o 5 pwynt, yr un fath a'r Ceidwadwyr, sydd i fyny 5.

    "Ar y ffigyrau yma, fe ddylai Llafur fod yn agos at y 29 o seddi wnaethon nhw eu hennill yn 2016."

    Curtice

  9. Llafur yn cadw Gŵyr
    Newydd dorri

    Llafur Cymru

    Gŵyr

  10. Vaughan Roderick: 'Senedd tair plaid o bosib'

    Vaughan Roderick
    Golygydd Materion Cymreig y BBC

    Mae canlyniadau Llafur yn dda hyd yma - dim ond wedi colli un sedd. Dyw pleidlais UKIP 2016 ddim wedi trosglwyddo i'r Ceidwadwyr. Yn Islwyn mi roedd UKIP yn ail. Mae'n ddyddiau cynnar ond efallai mai tair plaid fydd yn nhymor nesaf y Senedd gydag un eithriad o sedd i Neil Hamilton o UKIP.

  11. Llafur yn cadw Alun a Glannau Dyfrdwy
    Newydd dorri

    Llafur Cymru

    Alun a Glannau Dyfrdwy

  12. Ceidwadwyr yn cadw Gorllewin Caerfyrddin a De Sir Benfro
    Newydd dorri

    Ceidwadwyr Cymreig

    Gorllewin Caerfyrddin a De Sir Benfro

  13. Llafur yn cadw Dwyrain Abertawe
    Newydd dorri

    Llafur Cymru

    Dwyrain Abertawe

  14. Llafur yn cadw De Clwyd
    Newydd dorri

    Llafur Cymru

    De Clwyd

  15. Y wal goch ddim yn cwympo eto...

    Roedd 'na gryn ddyfalu y byddai'r Ceidwadwyr yn cipio Wrecsam hefyd heddiw - un arall o seddi'r wal goch yn y gogledd ddwyrain.

    Ond gyda'r canlyniadau i mewn, mae Lesley Griffiths wedi cadw'r sedd i lafur gyda mwyafrif o 1,350.

    wrecsam

  16. Ceidwadwyr yn cadw Preseli Penfro
    Newydd dorri

    Ceidwadwyr Cymreig

    Preseli Sir Benfro

  17. Llafur yn cadw Islwyn
    Newydd dorri

    Llafur Cymru

    Islwyn

  18. Plaid Cymru yn cadw Arfon
    Newydd dorri

    Plaid Cymru

    Arfon

  19. Llafur yn cadw Wrecsam
    Newydd dorri

    Llafur Cymru

    Wrecsam

  20. Ceidwadwyr yn cadw Aberconwy
    Newydd dorri

    Ceidwadwyr Cymreig

    Aberconwy