Dwyrain Caerfyrddin a Dinefwr ac hefyd Llanelli yw'r etholaethau sy'n cael eu cyfri yng nghanolfan clwb rygbi Athletic Caerfyrddin.

David Grundy yw'r gohebydd...

BBC Radio Cymru

Mae'r canlyniad cyntaf yn Etholiad 2021 wedi cyrraedd felly, ond pryd fydd y canlyniad olaf?

Ddim yn rhy fuan yn ôl y sylwebydd gwleidyddol Theo Davies-Lewis fu'n siarad ar BBC Radio Cymru'n gynharach.

Ceidwadwyr Cymreig

Russell George sy'n cadw'r sedd i'r Ceidwadwyr

Beth yw'r rhagolygon am etholaeth Ceredigion?

Gyda'r ffigyrau newydd eu cyhoeddi, dim ond 35% o'r rhai sy'n gymwys wnaeth fwrw'u pleidlais yn etholaeth Merthyr Tudful a Rhymni.

Plaid Cymru fu'n cynrychioli'r Ynys yn y Senedd ddiwethaf.

Roedd Llafur yn ail iddyn nhw yn 2016.

Ond y Ceidwadwyr gipiodd y sedd yn San Steffan yn etholiad cyffredinol 2019.

Felly pwy sydd am ennill? Nia Thomas yw'r gohebydd yno...

Dafydd Pritchard
Castell-nedd

Mae etholiadau weithiau yn gallu teimlo fel arddangosfeydd o ganolfannau hamdden Cymru.

Yn eu plith mae Canolfan Chwaraeon Castell-nedd, lle mae'r broses gwirio dal i fynd yn ei blaen ac mae trefnwyr yn disgwyl canlyniad rhwng 16:00 a 17:00.

Jeremy Miles (Llafur), y Cwnsler Cyffredinol a'r Gweinidog Pontio Ewropeaidd, sydd wedi cynrychioli etholaeth Castell-nedd ers 2016.

Wrth ymateb i'r ciwiau hir a welwyd y tu allan i nifer o orsafoedd pleidleisio yn y ddinas neithiwr, dywedodd llefarydd ar ran Cyngor Caerdydd: "Fel llawer o ardaloedd eraill ledled y wlad fe welsom giwiau hir yn rhai o'n gorsafoedd pleidleisio.

"Roedd y rhan fwyaf o bobl yn deall yn iawn ac rydym am fanteisio ar y cyfle hwn i ddiolch iddynt am eu hamynedd.

"Mae cynnal etholiad yn ystod pandemig yn her logistaidd eithriadol, ac aethwyd i'r afael â'r materion a gododd drwy ddod â staff ychwanegol i'r gorsafoedd pleidleisio yr effeithiwyd arnynt.

"Ar y cyfan roedd pobl yn deall bod yn rhaid dilyn rheoliadau cadw pellter cymdeithasol a byddai llawer wedi gweld y cyngor rydyn ni wedi'i roi yn yr wythnosau yn arwain at yr etholiad, ac ar y diwrnod ei hun, yn cynghori pobl i ddisgwyl ciwiau.

"Roedd unrhyw un a oedd mewn ciw mewn gorsaf bleidleisio cyn 10pm wedi gallu bwrw eu pleidlais ac unwaith eto, hoffem ddiolch i breswylwyr am eu hamynedd."

Twitter

Mae Aelod Seneddol Llafur Rhondda, Chris Bryant, wedi dweud wrth BBC Cymru ei fod yn "hyderus iawn" y bydd Llafur yn adennill y sedd yn y Senedd.

Dyma oedd yr unig etholaeth i newid dwylo yn 2016 pan gipiodd Leanne Wood y sedd i Blaid Cymru.

Mae'r broses ddilysu wedi dod i ben yn etholaeth Sir Drefaldwyn, gyda Chyngor Powys yn dweud mai 50% o'r rhai sy'n gymwys i bleidleisio yno wnaeth wneud hynny.

BBC Radio Cymru

Mae BBC Radio Cymru newydd ddechrau darlledu am ganlyniadau'r etholiad.

Elliw Mai a Dafydd Morgan sydd wrth y llyw gyda'r rhaglen 'Wrth I Ni Aros' - clicwch y linc yma neu ar frig y dudalen i wrando

Twitter

Mae rheolau coronafeirws wedi gwneud y broses o gyfri pleidleisiau yn wahanol iawn yn yr etholiad hwn.

Dyma'r olygfa yn y cyfri yn etholaeth Dwyfor Meirionnydd yn Nolgellau heddiw.

Yn draddodiadol mae'r niferoedd sy'n pleidleisio yn etholiadau'r Senedd yn is - ychydig dros 45% a bleidleisiodd yn yr etholiad diwethaf yn 2016.

Eleni roedd yna ofnau y gallai'r pandemig fod wedi effeithio ar nifer y pleidleiswyr.

Fe wnaeth 71.1% o'r rhai sy'n gymwys i bleidleisio yng Nghymru fwrw pleidlais yn y refferendwm ar adael y DU ac yn yr etholiad cyffredinol diwethaf yn 2019 fe wnaeth 66.6% bleidleisio.

Fe wnaeth oddeutu 1,020,000 miliwn o bobl bleidleisio yn yr etholiad diwethaf yn 2016.

Yn ôl y Comisiwn Etholiadol, dolen allanol roedd 2.25 miliwn o oedolion yn gymwys i bleidleisio ar y pryd ac felly nodwyd bod canran y rhai a bleidleisiodd yn 45.2%.

Roedd cynnwys pobl ifanc 16 ac 17 oed a gwladolion tramor yn ychwanegu 103,000 posib at y gofrestr bleidleisio.

Mae ffigyrau gan y BBC yn awgrymu bod 53% o bobl ifanc ddim wedi pleidleisio wedi iddynt beidio cofrestru.

Dywedodd Jess Blair o Gymdeithas Diwygio Etholiadol Cymru: "Mae'n siomedig, ond ddim yn syndod efallai, bod cyn lleied o bobl ifanc 16 ac 17 oed wedi cofrestru ar gyfer yr etholiad yr wythnos hon."

Ffynhonnell y llun, Getty

Etholiad 2021

A yw gwleidyddiaeth yn y gwaed tybed?

Mae Natasha Asghar sydd yn ail ar restr y Ceidwadwyr ar gyfer rhanbarth Dwyrain De Cymru, yn ferch i’r diweddar AS Ceidwadol Mohammad Asghar a fu farw ym Mehefin 2020.

Mae Rhys ab Owen sydd yn sefyll ar ran Plaid Cymru yn sedd Gorllewin Caerdydd ac ar frig rhestr Plaid Cymru yn rhanbarth Canol De Cymru yn fab i Owen John Thomas a fu’n cynrychioli yr un rhanbarth yn y cynulliad o 1999-2001.

Mae Calum Davies sy’n sefyll ar ran y Ceidwadwyr yn sedd Canol Caerdydd ac yn drydydd ar restr y Ceidwadwyr yn rhanbarth Canol De Cymru yn fab i Suzy Davies gafodd ei hethol yn 2016 fel yr ymgeisydd ar frig rhestr ranbarthol y Ceidwadwyr Cymreig yng Ngorllewin De Cymru.

Mae Mabon ap Gwynfor sy’n sefyll ar ran Blaid Cymru yn ŵyr i Gwynfor Evans, AS cyntaf Plaid Cymru yn San Steffan.

Mae Richard Grigg sy’n sefyll ar ran Plaid Cymru ym Mro Morgannwg yn fab-yng-nghyfraith i Cynog Dafis, cyn AS Ceredigion a bu hefyd yn Aelod Cynulliad tan 2003 gan gynrychioli rhanbarth Canolbarth a Gorllewin Cymru ar ran Plaid Cymru.

Ffynhonnell y llun, Llun teulu

Gan bod dau etholiad cyngor sir ac un cyngor cymuned hefyd yn digwydd ar Ynys Môn heddiw, mae ychydig o oedi yn y broses o gyfri pleidleisiau etholiad y Senedd.

Newydd ddechrau mae'r broses o ddilysu'r pleidleisiau Senedd...

Hwn yw chweched etholiad y Senedd ers sefydlu'r sefydliad ym 1999.

Ym mis Gorffennaf 2016, cafodd y Cynulliad ddadl ynghylch a ddylai newid ei enw.

Cytunwyd y dylai enw’r Cynulliad adlewyrchu ei statws cyfansoddiadol fel senedd genedlaethol.

Cynhaliodd Comisiwn y Cynulliad ymgynghoriad cyhoeddus ar y mater rhwng 8 Rhagfyr 2016 a 3 Mawrth 2017.

Roedd 61 y cant o'r rhai a ymatebodd yn cytuno neu'n cytuno'n gryf y dylai'r Cynulliad newid ei enw.

Cafodd y newid ei gyflwyno ar ôl i ddeddf newydd ddod yn gyfraith fis Ionawr 2020.

Ffynhonnell y llun, Getty Images