Mae 'na dair menyw wedi eu hethol yn ward Talybolion ar Ynys Môn - yr un nifer o ferched ag oedd yn y cyngor i gyd ar ôl yr etholiad diwethaf!

Democratiaid Rhyddfrydol - 24

Annibynnol/Arall - 17

Ceidwadwyr - 14

Llafur - 9

Plaid Cymru - 3

Gwyrddion - 1

Mae Emlyn Dole, arweinydd Cyngor Sir Gâr, wedi colli ei sedd.

Etholwyd un cynghorydd Llafur ac un Plaid Cymru yn ward Llannon - ond nid Emlyn Dole.

Mae arweinydd y Democratiaid Rhyddfrydol yng Nghymru wedi mynnu fod yr etholiadau lleol yn dangos fod ei phlaid yn brwydro 'nôl ac adennill tir, ac nid yw'n unig yn bleidlais brotest yn erbyn llywodraeth Boris Johnson.

Dywedodd Jane Dodds fod y canlyniadau yn dangos fod pobl yn ymddiried yn ei phlaid eto, ac am weld dewis arall heblaw am y Ceidwadwyr a Llafur.

“Mae pobl eisiau neges bositif,” meddai

Ond dywedodd fod etholwyr ym Mhowys, lle mae’r Democratiaid Rhyddfrydol wedi ennill tir wedi bod “â chywilydd” am ymddygiad y Prif Weinidog, a bod hynny’n golygu fod Ceidwadwyr wedi dewis “aros adref”.

Llafur - 30

Annibynnol/Arall - 10

Mae Llafur wedi cyflawni eu nod o adennill Blaenau Gwent oddi wrth yr Annibynwyr.

Enillodd Llafur 21 sedd, o'i gymharu â 13 yn 2017. Dim ond 17 sedd oedd ei angen ar y blaid i gipio'r mwyafrif.

Un o’r seddi annibynnol a gollwyd yw arweinydd presennol y cyngor – Nigel Daniels, a wynebodd bleidlais o ddiffyg hyder rai wythnosau’n ôl, ar ôl i gynghorwyr gredu iddo ddal gwybodaeth hanfodol yn ôl oddi wrthynt ynglŷn â’r ymchwiliad i lywodraethu a goruchwyliaeth Silent Valley Waste Services.

Dim ond 32% a bleidleisiodd (gostyngiad o 40% yn 2017).

Llafur - 35

Ceidwadwyr - 7

Annibynnol/Arall - 7

Democratiaid Rhyddfrydol - 1

Gwyrddion - 1

Mae pethau'n poethi yn Sir y Fflint, gyda Llafur ar y blaen gyda 28 sedd hyd yma ac ymgeiswyr annibynnol gyda 25.

Cafodd cyn-ddirprwy arweinydd y cyngor sir, Bernie Attridge - oedd unwaith yn aelod o Lafur ond sydd bellach yn gobeithio arwain aelodau annibynnol - ei ailethol yng Nghanol Cei Connah gydag aelod annibynnol arall, Debbie Owen.

Dywedodd eu bod wedi cael llwyddiant "bendigedig" yng Nghei Connah ond na fydden nhw, mwy na thebyg, yn trechu'r holl Lafurwyr yn y dref.

Fe ychwanegodd ei fod yn credu mai'r grŵp annibynnol fyddai'r mwyaf unwaith fydd pob pleidlais wedi ei chyfri.

"Mae gen i awdurdod moesol gan 47 aelod annibynnol sy'n sefyll yn Sir y Fflint i ffurfio awdurdod annibynnol," meddai.

"Dwi wedi gweithio ddydd a nos, 16-17 awr y dydd, er mwyn i hyn ddigwydd.

"A dwi dal yn hyderus rŵan mai'r grŵp annibynnol fyddai a'r mwyaf o seddi yn Sir y Fflint erbyn diwedd y dydd."

Er hynny, mae aelodau Llafur yn dal eu tir mewn sawl ardal, gan gipio sedd ym Mancot a hawlio'r tair sedd bosib yn ward Cynswllt a Threlawnyd yn y Fflint.

Mae'r Blaid Lafur wedi cadw ei gafael ar Gyngor Sir Abertawe.

Lauren James, 31, yw'r cynghorydd cyntaf erioed i gael ei hethol i gynrychioli'r Blaid Werdd ar Gyngor Casnewydd.

Fe fydd hi'n cynrychioli ward Shaftesbury.

Dywedodd mai ei bwriad yw "adfer ffydd pobl" yn y cyngor. "Mae pobl yn teimlo eu bod nhw'n cael eu hanghofio," meddai.

Llafur - 15

Annibynnol/Arall - 15

Mae Plaid Cymru wedi sicrhau 18 sedd ar Ynys Môn, sy'n golygu bod mwyafrif yno, er nad yw'r cyfri' ar ben.

Annibynnol/Arall - 35

Ceidwadwyr - 11

Llafur - 10

Plaid Cymru - 2

Democratiaid Rhyddfrydol - 2

Dydy'r cyfri' ddim ar ben yng Nghaerffili, ond mae Llafur eisoes wedi sicrhau 39 o seddi - digon am fwyafrif ar y cyngor.

Llafur - 19

Annibynnol/Arall - 12

Plaid Cymru - 8

Ceidwadwyr - 6

Gwyrddion - 2

Democratiaid Rhyddfrydol - 1

Llafur: 21

Annibynnol: 12

Llafur yw plaid fwyaf Sir Ddinbych erbyn hyn, gyda'r Ceidwadwyr yn plymio o'r safle cyntaf i'r pedwerydd safle.

Mae’n ganlyniad ofnadwy i’r Torïaid, a gyflwynodd ymgeisydd ym mhob sedd.

Ymwelodd Boris Johnson â maes carafanau ger Y Rhyl i geisio ennyn cefnogaeth yn ystod yr ymgyrch.

Ond fe wnaeth rhai o gynrychiolwyr y blaid yn y cyfrif feio problemau ei lywodraeth yn San Steffan am y perfformiad gwael.

Roedd y Torïaid wedi bod yn rhan o weinyddiaeth annibynnol yn Sir Ddinbych.

Gallai'r canlyniadau hyn roi cyfle i Lafur ffurfio clymblaid newydd.

Ar ôl colli’r seddi yn y Senedd a San Steffan, dywedodd ymgyrchwyr Llafur lleol fod yr etholiad hwn yn “ganolog” i frwydr y blaid i ad-ennill tir yn yr ardal.

Hyd yn hyn, cyfanswm y seddi yw:

Llafur 19

Annibynwyr 12

Plaid Cymru 8

Ceidwadwyr 6

Gwyrddion 2

Democratiaid Rhyddfrydol 1

Ffynhonnell y llun, Google

Mae Catrin MS Davies o Blaid Cymru wedi llwyddo i ddal sedd Ceulanamaesmawr yng Ngheredigion.

Dyma oedd sedd y cyn-arweinydd Ellen ap Gwynn sy'n ymddeol eleni wedi iddi fod yn arweinydd Cyngor Ceredigion ers 2012.