Wrth gyfarch y dorf ar ôl colli ei sedd, dymunodd David TC Davies air o ddiolch i rai newyddiadurwyr am ofyn cwestiynau caled iddo dros y blynyddoedd ac am ddal gwelidyddion i gyfrif.

Ymysg y rhai a gafodd eu henwi yr oedd Vaughan Roderick, Golygydd Materion Cymreig BBC Cymru, ac er ei syndod, dyma ei ymateb.

Yn siarad ar Dros Frecwast bu golygydd materion Cymreig y BBC Vaughan Roderick yn trafod llwyddiant Plaid Cymru.

Dywedodd eu bod wedi gwneud "y gorau y bydden nhw wedi gallu disgwyl" trwy ennill pedair sedd, a gwneud yn well na'r disgwyl mewn sawl sedd arall.

Dywedodd fod y bleidlais i'r Blaid Werdd hefyd wedi bod yn "barchus".

Ar ôl i Ann Davies ennill ei sedd i Blaid Cymru yng Nghaerfyrddin, dywedodd: "Dwi wrth fy modd fod hyn wedi digwydd, ni 'di gweithio mor galed, mae'r ymgyrch wedi bod mor bositif, ac mae cymaint wedi dod mas i'n helpu ni - pobl ar lawr gwlad, pobl Sir Gâr wedi'n helpu ni".

Aeth ymlaen i ddweud fod yr ymgyrchu wedi bod yn "brofiad positif tu hwnt" a'i bod yn falch "bo' ni wedi cael y canlyniad ry' ni'n haeddu".

Yn siarad ar Dros Frecwast dywedodd aelod Plaid Cymru o'r Senedd, Heledd Fychan, ei bod yn gobeithio y bydd llwyddiant menywod y blaid yn "hwb i fwy o ferched" roi eu henwau ymlaen fel ymgeiswyr yn y dyfodol.

Mae 75% o Aelodau Seneddol Plaid Cymru bellach yn fenywod, gyda Liz Saville Roberts, Ann Davies a Llinos Medi wedi cael eu hethol i gynrychioli'r blaid.

Rhowch eich cod post yn y blwch i ganfod pwy enillodd yn eich etholaeth chi.

Fe allai'r blaid Lafur ennill dros 400 o seddi erbyn diwedd y cyfrif. Betsan Powys fu'n dadansoddi'r heriau sy'n wynebu Keir Starmer ar raglen Dros Frecwast, Radio Cymru.

Dyma gyfanswm, a chyfran y bleidlais yng Nghymru wedi i'r holl seddi gael eu cyhoeddi.

1. Llafur - 487,636 - 37%
2. Ceidwadwyr - 240,003 - 18.2%
3. Reform UK - 223,018 - 16.9%
4. Plaid Cymru - 194,811 - 14.8%
5. Democratiaid Rhyddfrydol - 85,911 - 6.5%
6. Y Blaid Werdd - 61,662 - 4.7%

Sut mae'r gefnogaeth i'r pleidiau yng Nghymru'n cymharu â phum mlynedd yn ôl?

Mae'r niferoedd o bleidleisiau i Lafur, y Ceidwadwyr a'r Democratiaid Rhyddfrydol wedi gostwng yn y pum mlynedd dwetha' ond roedd pleidleisiau Plaid Cymru ar gynnydd. Roedd Reform UK yn sefyll am y tro cyntaf.

Llafur (27 Sedd)

2019 - 632,035

2024 - 487,636

Plaid Cymru (4 sedd)

2019 - 153,265

2024 - 194,811

Y Democratiaid Rhyddfrydol (1 sedd)

2019 - 92,171

2024 - 85,911

Y Ceidwadwyr (0 sedd)

2019 - 557,234

2024 - 240,003

Reform UK (0 Sedd)

2024 - 223,018

Y Gwyrddion (0 sedd)

2019 - 15,828

2024 - 61,662

Wrth adlewyrchu ar yr ymgyrch etholiadol, fe ddywedodd Steffan Evans, pennaeth polisi a thlodi Sefydliad Bevan ei bod hi'n "drawiadol... cyn lleied o sôn sydd wedi bod gan y pleidiau am gostau byw a ni'n gwybod bod y pwysau yna ddim am fynd i unman".

Aeth ymlaen i ddweud fod "lot o sylw yn mynd i fod yn ystod yr wythnosau nesaf i weld a oes 'na addewidion yn mynd i fod ac a oes 'na newid polisïau yn mynd i fod sy'n mynd i wneud gwahaniaeth i fywydau pobl".

"Mae'n bwysig iawn i dderbyn y canlyniad - mae'r cyhoedd eisiau newid," meddai David TC Davies wrth iddo golli ei sedd yn Sir Fynwy.

Mae Arweinydd y Democratiaid Rhyddfrydol yng Nghymru, Jane Dodds, wedi dweud ei bod hi'n falch bod ei phlaid wedi ennill sedd a hynny ar ôl i'r blaid gipio sedd Aberhonddu, Maesyfed a Chwm Tawe.

Dyma'r map terfynol o seddi yng Nghymru felly.

27 sedd i Lafur, pedair sedd i Blaid Cymru ac un i'r Democratiaid Rhyddfrydol.

Y tro cyntaf ers 2001 i las y Ceidwadwyr ddiflannu o'r map yng Nghymru.

1. Llafur - Catherine Fookes, 21,010
2. Ceidwadwyr - David TC Davies, 17,672
3. Reform UK - Max Windsor-Peplow, 5,438
4. Y Blaid Werdd - Ian Chandler, 2,357
5. Y Democratiaid Rhyddfrydol - William Powell, 2,279
6. Plaid Cymru - Ioan Bellin, 1,273
7. Annibynnol - Owen Lewis, 457
8. True & Fair Party - June Davies, 255
9. Plaid Treftadaeth - Emma Meredith, 103

‘Gobaith’ oedd prif neges Keir Starmer wrth iddo annerch ei gefnogwyr.

“Mae’r newidiadau rydyn ni wedi eu gwneud yn barhaol, a dydyn ni ddim am droi nôl, ac mae’n rhaid i ni ddal i fynd. 'Nathon ni redeg fel Plaid Lafur sydd wedi ei thrawsnewid, ac fe wnawn ni lywodraethu fel Plaid Lafur sydd wedi ei thrawsnewid.”

Ar ôl cadw dwy sedd (Dwyfor Meirionnydd a Ceredigion Preseli) a chipio dwy (Caerfyrddin ac Ynys Môn), mae arweinydd Plaid Cymru Rhun ap Iorwerth yn dweud ei fod "wrth fy modd".

"Dyma ganlyniad gorau’r blaid erioed mewn etholiad cyffredinol – sy’n cynrychioli’r gyfran fwyaf o seddi a enillwyd," meddai

"Safodd Plaid Cymru ar lwyfan positif ac uchelgeisiol o degwch i Gymru ac rwyf wrth fy modd bod pobl wedi rhoi eu ffydd mewn pedwar ymgeisydd rhagorol i’w cynrychioli yn San Steffan.

"Bydd Liz, Ben, Llinos ac Ann yn gweithio’n ddiflino i sicrhau na fydd llais Cymru byth yn cael ei anwybyddu gan y llywodraeth Lafur newydd.

"Mae’r canlyniad hwn yn dangos mai Plaid Cymru yw’r dewis amgen clir i Lafur yng Nghymru ac mae ein ffocws bellach yn symud at gyflwyno gweledigaeth y gall mwy o bobl ei chefnogi yn Etholiad y Senedd yn 2026.”

Ffynhonnell y llun, Getty Images

Yn ogystal â thwf yr economi mae Nia Griffith AS Llanelli yn pwysleisio'r pwysigrwydd a'r sialens o ailadeiladu hyder yn y system wleidyddol.

Fe gipiodd hi'r sedd o 1,504 pleidlais. Plaid Reform oedd yn ail.

Mae Jacob Rees-Mogg - y cyn-ysgrifennydd busnes a gweinidog Brexit - wedi colli sedd Gogledd Ddwyrain Gwlad yr Haf a Hanham i Lafur.

Ffynhonnell y llun, Getty Images

1. Y Democratiaid Rhyddfrydol - David Chadwick, 13,736
2. Ceidwadwyr - Fay Jones, 12,264
3. Llafur - Matthew Dorrance, 9,904
4. Reform UK - Adam Hill, 6,567
5. Plaid Cymru - Emily Durrant-Munro, 2,280
6. Y Blaid Werdd - Amerjit Kaur-Dhaliwal, 1,188
7. Plaid Diddymu'r Cynulliad - Jonathan Harrington, 372
8. Monster Raving Loony Party - Lady Lily The Pink, 237

Mae Llafur wedi croesi'r trothwy o 326 o seddi sydd eu hangen i gael mwyafrif yn Senedd San Steffan.

Bydd Dros Frecwast ymlaen am 05:00 ar BBC Radio Cymru lle bydd Kate Crockett a Gwenllian Grigg yn ymateb i holl ganlyniadau yr etholiad cyffredinol.