Sgoil ùr ga h-iarraidh ann an Dùn Bheagain

Lìon pàirt den sgoil le bùrn às dèidh uisge throm

Nochd iarrtas às ùr airson sgoil ùr ann an Dùn Bheagain san Eilean Sgitheanach às dèidh mar a lìon àite fon t-seòmar clas le uisge.

Thuirt BPA na sgìre, Ceit Fhoirbeis, gu bheil an suidheachadh a' togail cheistean mu shlàinte agus sàbhailteachd an luchd-obrach agus na cloinne, agus gum feumar fuasgladh a lorg anns an aithghearrachd.

Thuirt Comhairle na Gàidhealtachd gu bheil iad a' cur phumpaichean air dòigh airson an t-uisge a leigeil a-mach às an togalach agus gun lìon iad an uair sin am fo-sheòmar gus nach fhaigh uisge a-steach ann a-rithist.

Thurt iad cuideachd gun do dh'ainmich iad Bun-sgoil Dhùn Bheagain mar thè de na prìomhachasan aca airson airgead fhaighinn bhon Riaghaltas, ach gun dèan iad obair sam bith a tha dhìth anns an eadar-ama airson an togalach a dhèanamh sàbhailte.