Chaochail an sreapadair an Dr Hamish MacAonghais

Bha an Dr Hamish MacAonghais fìor ainmeil ann an saoghal na sreapaireachd

Tha an sreapadair agus an t-innleachdair Albannach an Dr Hamish MacAonghais air bàsachadh aig aois 90.

Bha Maighstir MacAonais, a rugadh ann an Gatehouse of Fleet, a' fuireach ann an Gleann Comhann.

Shreap e am Matterhorn anns na h-Ailpeannan nuair bha e dìreach 16.

Stèidhich e sgiobannan teasargainn beinne agus sgrìobh e leabhraichean mu shreapadaireachd.

Dhealbhaich e a' chiad làmhag-deighe gu tur meatailte agus streadsair cobhair.

Fiolmaichean

Bha e na neach-comhairleachaidh do Chlint Eastwood air an fhiolm The Eiger Sanction, air Monty Python and the Holy Grail agus The Mission le Robert De Niro anns na 1980an.

Chaochail e na dhachaigh ann an Gleann Comhann Là na Sàbaid.

B' e Sionnach Ghlinne Chomhainn am far-ainm a bh' air ri linn 's gun robh e cho seòlta anns na beanntan.

Buidhnean

Bhe e fìor eòlach air sreapadaireachd agus bha e an sàs ann a bhith a' stèidheachadh Sgioba Teasairginn Bheanntan Ghleann Comhainn, Comann nan Con Cobhair agus Seirbheis Fiosrachaidh Mhaoimean-sneachda na h-Alba.

Bha e cuideachd os cionn Sgioba Teasairginn Bheanntan Ghleann Comhainn airson iomadh bliadhna.

B' e a' chiad duine a choisinn Sàr Dhuais Albannach ann an Cultar Beinne ann an 2008.

Bha a charaid an cleasaiche Mìcheal Palin a' dèanamh luaidh air.

Thuirt caraid eile, Daibhidh Whalley, a b' àbhaist a bhith os cionn Sgioba Teasairginn Bheanntan Chinn Lois, gu bheil e a' fàgail dìleib mìorbhailich air a chùlaibh.

Bha an Dr MacAonghais tinn le breisleach a thàing bho dhroch ghalar ann an siostam an uisge na sheann aois agus cho-dhùin dotairean le mearachd gun robh dementia air.

Chaidh a chumail san ospadal an aghaidh a thoil agus rinn e grunn oidhirpean teicheadh.

Chaidh an sgeulachd sin innse anns an fiolm Final Ascent, a thàinig a-mach ann an 2018.