Tubaist mharbhtach ann an Leòdhas

Tha Poileas Alba a' sireadh fiosrachaidh mu thubaist ann an Leòdhas anns an deach boireannach a mharbhadh.

Chaidh am boireannach, a bh' air chois, a leagail le bhana Renault Master mu 16:45 Dihaoine air an A858 ann an Siabost bho Thuath.

Chaidh a toirt gu Ospadal nan Eilean ann an Steòrnabhagh far an do bhàsaich i goirid às dèidh làimhe.

Chaidh a h-ainmeachadh mar Jodie Mitchell, 32, à Bradhagair bho Dheas.

Cha deach draibhear a' bhana a ghoirteachadh.

Dh'fhosgail an rathad a-rithist tràth madainn Disathairne.

Tha na poilis airson bruidhinn ri draibhearan a bh' anns an sgìre aig an àm, agus daoine aig am faodadh dealbhan dash-cam a bhith.

Faodar fios a chur gu Poileas Alba air an àireimh-fòn 101, leis an àireimh-chlàraidh 2602, Dihaoine, 7mh den Ghearran 2025.