Ceannas ùr air Comhairle Earra-Ghàidheal is Bhòid

Chaidh Pròbhost agus Ceannard ùr a thaghadh do Chomhairle Earra-Ghàidheal is Bhòid.

'S e an Comh. Dougie Philand a chaidh a thaghadh mar Phròbhost ùr.

Chuir 18 de chomhairlichean an taic ris, agus bhòt 18 na aghaidh.

Air sgàth sin chaidh cairt a thaghadh gus am Pròbhost a dhearbhadh agus thagh an Comh. Philand a’ chairt as àirde.

Chaidh an Comh. Jim Lynch, SNP a thaghadh mar cheannard ùr na Comhairle le taghadh chairtean cuideachd.

Tha seo agus buidheann dùbhlanach air iomairt shoirbheachail a dhèanamh cur às de bhuidhinn-riaghlaidh na Comhairle 's iad mì-thoilichte le mar a chaidh cùis na cìse-comhairle a làimhseachadh.

Coinnichidh an làn-chomhairle air a' 25mh là den Ghiblean airson a' bhuidheann-riaghlaidh ùr agus dreuchdan a dhearbhadh.

Thèid coinneamhan comataidh ris an robh dùil san eadar-ama a chur dheth gus an tèid Cathraichean ùra ainmeachadh do na comataidhean.

Thèid a' choinneamh shònraichte ris a bheil dùil air a' 15mh là den Ghiblean air adhart airson beachdachadh air a' chìs-chomhairle a reòthadh, leis a' Phròbhost gu bhith os cionn na coinneimh sin.