Tubaist mhairbhteach an Uibhist a Tuath

Dhearbh Poileas Alba gun do chaochail boireannach às dèidh tubaist rathaid ann an Uibhist a Tuath.

Thuirt na poilis gun d'fhuair iad fios mu 12.20f Dihaoine mu thubaist eadar càr agus neach-coise ann an Ceann a' Bhàigh.

Chaochail boireannach a bha a' dràibheadh a' chàir aig làrach na tubaist.

Thuirt na poilis gu bheil fios aig an teaghlach aice.

Chaidh an neach-coise, boireannach eile, a thoirt a dh'Ospadal Uibhist is Bharraigh is i air a droch goirteachadh.

Thuirt na poilis gu bheil an rannsachadh aca a' leantainn.

Dh'innis Bùth Cheann a' Bhàigh air na meadhanan-sòisealta aca gum bi iad dùinte an còrr den là Dihaoine.

Chaidh an geama ball-coise oidhche Haoine eadar Uibhist a Tuath is Saints an Iochdair agus tachartas aig Buidheann Taic Aillse Mhic a' Mhaoilein ann an Sgoil Uibhist a Tuath a chur dheth ri linn bàs sa choimhearsnachd.