Pontarddulais: Dyn yn marw wedi gwrthdrawiad

Mae dyn 35 oed wedi marw mewn gwrthdrawiad ym Mhontarddulais, Abertawe.

Cafodd Heddlu De Cymru eu galw i'r digwyddiad ar Stryd y Dŵr ychydig wedi 16.30 brynhawn Iau, 3 Ionawr.

Bu gwrthdrawiad rhwng dyn ar feic modur a choeden a bu farw'r dyn yn y fan a'r lle.

Nid yw'r heddlu yn chwilio am neb arall yn gysylltiedig â'r digwyddiad.

Ond mae Heddlu De Cymru am unrhyw un allai fod wedi gweld y gwrthdrawiad i gysylltu â nhw ar 101 gan ddyfynnu'r rhif 1900003302.