Gwahardd capten Y Barri am chwe mis am ymddygiad ymosodol

Mae capten Y Barri wedi cael ei wahardd am chwe mis gan Gymdeithas Bêl-droed Cymru yn sgil honiad o ymddygiad ymosodol at ddyfarnwr.

Daw'r gwaharddiad yn sgil digwyddiad yn y gêm rhwng Y Barri a Phenybont yn Uwch Gynghrair Cymru ar 16 Awst.

Doedd Jordan Cotterill ddim yn bresennol yn y gwrandawiad, ond fe'i gafwyd yn euog o ymosod yn unol â rheolau'r Gymdeithas.

Mae ganddo tan 25 Medi i apelio yn erbyn y gwaharddiad sydd mewn grym tan 21 Chwefror 2020.