Lluniau: Gŵyl Sŵn 2025

Cafodd yr ŵyl aml-leoliad, Sŵn, ei chynnal ar draws y brifddinas dros y penwythnos fel rhan o Ŵyl Dinas Gerdd Caerdydd.

Dros y blynyddoedd mae Sŵn wedi cynnig llwyfan i rai o'r enwau mwyaf yng Nghymru gan gynnwys Gwenno, Cate Le Bon, Panic Shack, Mace The Great, Boy Azooga, ac Adwaith.

Ymhlith yr enwau o Gymru'n perfformio eleni oedd y rapiwr o Benygroes, Sage Todz; yr artist alt-RnB, Adjua; y seren bop CATTY, enillwyr Green Man Rising, Wing!; prosiect soul ac RnB, Source; ac Ynys, enillwyr gwobr Albwm Cymraeg y Flwyddyn, Eisteddfod Genedlaethol 2025.

Roedd Gruff Rhys yn ôl yn ar un o lwyfannau'r ŵyl hefyd, ar ôl chwarae yno ddiwethaf yn 2019.

Cafodd yr ŵyl ei chynnal ar draws nifer o leoliadau y ddinas, gan gynnwys Tramshed, Clwb Ifor Bach, Eglwys Sant Ioan, Jacob's Basement, Fuel, The Canopi, Tiny Rebel, Boho Club a Porter's. Yn ogystal â'r gerddoriaeth, roedd cynhadledd i'r diwydiant cerddoriaeth yn Cornerstone a Porter's.

Dyma rhai o olygfeydd y penwythnos.

Breichiau Hir yng nghanol y gynulleidfa

Llawr uchaf Clwb Ifor Bach dan ei sang

Trafodaeth yng Nghynhadledd Sŵn Cysylltu

Un o'r lleoliadau mwyaf trawiadol yng nghanol y ddinas, Eglwys Sant Ioan

Getdown Services â pherfformiad egnïol

Un o brif atyniadau'r ŵyl eleni, prif leisydd Super Furry Animals, Gruff Rhys

Y perfformiwr o Lundain, Jessica Winter, ar y llwyfan

Daeth miloedd i Gaerdydd i fwynhau'r awyrgylch dros y penwythnos

Martha Elen yn perfformio yn Tiny Rebel ar nos Iau

Moonchild Sanelly, a oedd yn perfformio set hynod fywiog

Sywel Nyw yn perfformio'i set

Tai Haf Heb Drigolion

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.