Chrissie NicIlliosa air a taghadh mar chomhairliche ùr Eilean a' Cheò

Chaidh Chrissie NicIlliosa a thaghadh mar chomhairliche ùr ann an uard Eilean a' Cheò.

Bha am fo-thaghadh ann Diardaoin is na bhòtaichean gan cunntadh ann an Caol Acainn Dihaoine.

Bhòt 40.2% de na bha ceadaichte is bha toradh na bhòt mar a leanas:

• Cairistìona NicIlliosa - Neo-eisimeileach - 823

• Fay NicThòmais - Libearalaich Dheamocratach na h-Alba - 754

• Campbell Dickson - Neo-eisimeileach 655

• Màrtainn Mac a' Bhàillidh - Pàrtaidh Nàiseanta na h-Alba - 527

• Jonathan Dòmhnallach - Neo-eisimeileach - 256

• Katy Lawrence - Uainich na h-Alba - 239

• John Coupland - Reform UK - 157

• Seòras Mac a' Phearsain - Tòraidhean na h-Alba - 86

Chaidh Chrissie NicIlliosa a thaghadh aig an ochdamh ìre den bhòt.

Bha fo-thaghadh eile ann an sgìre na Gàidhealtachd Diardaoin.

Ann Uàrd Linne Chromba 's e an neo-eisimeileach Richard Cross a chaidh a thaghadh.