Sgrùdadh airson boireannach a tha a dhìth ann am Beinn na Faoghla

Tha Poileas Alba a' sireadh fiosrachaidh mu bhoireannach a tha a dhìth ann am Beinn na Faoghla.

Chaidh Shanahan NicAonghais, a tha 28, fhaicinn mu dheireadh aig 1.30m Dihaoine air Rathad Tindill ann am Baile a' Mhanaich.

Tha i còig troighean 's ochd òirlich a dh'àirde, caol le falt fada bàn.

Nuair a chaidh a faicinn mu dheireadh bha èideadh spòrs burgandaidh oirre agus brogan spòrs geala Nike, ach dh'fhaodadh gun robh aodach eile aice na cois.

Thuirt an t-Inspeactair Ross McCartney gu bheil seo gu math eu-coltach rithe agus gu bheil iad dragh orra mu deidhinn.

Tha iad ag iarraidh air duine sam bith a chunnaic i, neo aig a bheil fios càite am faodadh i a bhith, fios a chur thuca.

Tha iad cuideachd ag iarradh air daoine sùil a thoirt ann an seadaichean no àitichean eile far am faodadh Shanahan a bhith a' gabhail fasgaidh.

Faodaidh duine sam bith le fiosrachadh brath a chur gu Poileas Alba air an àireimh-fòn 101, leis an àireimh-chlàraidh 1368, 22mh den t-Samhain 2024.