Iomairt a' leantainn is deugaire a dhìth an Steòrnabhagh

Tha iomairt a' leantainn gus lorg fhaighinn air deugaire a tha a dhìth ann an Steòrnabhagh.

Chunnacas Aleksandr Benga, 16, mu dheireadh sa Ghearradh Chruaidh madainn Diluain mu 08:45m.

Thuirt na maoir-chladaich gu bheil iad a-muigh ga shireadh a-rithist Dimàirt is dh'iarr iad air daoine ann an Steòrnabhagh sùil a thoirt ann an seadaichean is togalaichean eile feuch an robh e a' sireadh fasgaidh annta is oidhche gu math fuar ann.

Tha iad ag ràdh cuideachd gum bi iad trang leis an iomairt tron là Dimàirt is dh'iarr iad gum bi am poball foighidinneach.

Nuair a chaidh Aleksandr fhaicinn mu dheireadh bha geansaidh bèis air, dìnichean dubha, agus dh'fhaodadh gu bheil seacaid dhearg aige.

Bu chòir duine sam bith le fiosrachadh brath a chur gu Poileas Alba air 101 is àireamh 0803 18/11/2024 a thoirt seachad, no chun nam maor-cladaich air 999.