Suidheachadh èiginneach aig NHS na Gàidhealtachd seachad

Bha Ospadal an Rathaig Mhòir air aon de na làraichean far an robh trioblaidean le siostam IT a' toirt buaidh

Tha NHS na Gàidhealtachd ag ràdh nach eil iad a' dèiligeadh tuilleadh le suidheachadh èiginneach a ghairm iad nuair a thug trioblaidean leis an lìonra buaidh air siostaman didseatach.

Tha iad a' toirt taing dhan obair a rinn na sgiobaidhean aca agus buidhnean nàiseanta airson na siostaman IT a chur ceart agus thuirt iad gu bheil na seirbheisean aca air feadh an Gàidhealtachd a' dol mar as àbhaist.

Thuirt iad gum bu mhath leotha taing a thoirt don luchd-obrach, euslaintich agus na buidhnean eile a tha ag obair còmhla riutha airson a bhith cho tuigseach fhad 's a bha iad a' dèiligeadh ris a' chùis.

Dhearbh iad nach e ionnsaigh shaidhbeir a bh' ann, agus nach deach buaidh a thoirt air clàraidhean euslainteach.

Thuirt iad gun dèanadh iad ath-sgrùdadh mu na thachair feuch dè ghabhas ionnsachadh agus siostaman a neartachadh buileach.