Carfan bêl-droed Cymru'n ymweld ag Aberfan
- Cyhoeddwyd
Mae carfan bêl-droed Cymru wedi ymweld ag Aberfan, 50 mlynedd ers y drychineb laddodd 144 person yno.
Bu'r chwaraewyr yn cofio am y drychineb yng Ngardd Goffa Aberfan ddydd Llun, yn dilyn y gêm gartref yn erbyn Georgia ddydd Sul.
Fe gafodd rhannau o bentref Aberfan eu dinistrio ym mis Hydref 1966 pan lithrodd gwastraff diwydiannol i lawr y llethrau gerllaw a disgyn ar y pentref. Cafodd Ysgol Gynradd Pantglas ei llyncu gan y llaid.
Dywedodd rheolwr Cymru, Chris Coleman, bod y profiad "yn rhoi popeth mewn persbectif".
"Mewn ffordd fechan, roedden ni eisiau dangos parch a meddwl am y drasiedi 50 mlynedd yn ôl," meddai.
Chris Coleman yn siarad ag un o drigolion Aberfan
