Graffiti Natsïaidd: Dyn wedi ei ryddhau ar fechnïaeth

Mae dyn gafodd ei arestio ar ôl i graffiti asgell dde eithafol ymddangos ar adeiladau yng Nghaerdydd wedi ei ryddhau ar fechnïaeth.

Roedd swasticas, y slogan "Nazi Zone" a phosteri bygythiol wedi eu gweld gan drigolion Grangetown yn ôl ym mis Mawrth.

Cafodd dyn 19 oed ei arestio ar 20 Medi ar amheuaeth o geisio ysgogi casineb hiliol a chynllwynio i gynnau tân yn fwriadol.

Mae'r dyn o Cheltenham bellach wedi cael ei ryddhau ar fechnïaeth.