Ail Adran: Casnewydd 3 - 3 Macclesfield
- Cyhoeddwyd
Fe lwyddodd David Fitzpatrick gyda dau gic o'r smotyn mewn gêm danllyd
Roedd gôl yn yr eiliadau olaf gan Jamille Matt yn ddigon i gipio pwynt i Gasnewydd, a chwalu gobeithion Macclesfield o godi oddi ar waelod yr adran.
Aeth yr ymwelwyr ar y blaen wedi chwe munud, diolch i beniad Fiacre Kelleher, cyn i David Fitzpatrick ddyblu'r fantais gyda chic o'r smotyn.
Fe hawliodd Dan Butler un yn ôl i'r Alltudion ar ôl hanner awr, ac wedi'r hanner fe sicrhaodd Casnewydd gic o'r smotyn, gyda Mickey Demetriou yn taro'r bêl i gefn y rhwyd.
Ond roedd yna ail gic o'r smotyn i'r ymwelwyr hefyd, ar ôl i'r bêl daro llaw Demetriou, gyda David Fitzpatrick unwaith eto'n llwyddo.
Fe sicrhaodd Jamille Matt y gêm i Gasnewydd wedi saith munud o chwarae ychwanegol ar ddiwedd y gêm.
Mae Casnewydd yn syrthio i'r trydydd safle yn yr Ail Adran ar wahaniaeth goliau, y tu ôl i Gaerwysg.