Adran Dau: Casnewydd 1-1 Crawley

Ashley Nathaniel-George sgoriodd gôl gynta'r gêm i Crawley

Daeth Tristan Abrahams oddi ar y fainc i sicrhau pwynt i Gasnewydd gyda'i gyffyrddiad cyntaf o'r gêm yn erbyn Crawley nos Fawrth.

Ei dasg gyntaf oedd i gymryd cic o'r smotyn ar ôl trosedd ar Robbie Willmott.

Hon oedd ail gic o'r smotyn y gêm, gyda Crawley yn mynd ar y blaen o ymdrech Ashley Nathaniel-George, ar ôl i Dan McNamara lawio'r bêl.

Bu bron i Abrahams sicrhau'r tri phwynt, ond i'w ergyd yn hwyr yn y gêm daro yn erbyn y postyn.