Barnwr yn atal achos llofruddiaeth y Barri

Cafodd corff Harry Baker ei ddarganfod wrth i weithwyr y dociau gyrraedd ar ddechrau shifft

Mae'r rheithgor yn achos wyth o bobl sydd wedi eu cyhuddo o lofruddio llanc 17 oed ym Mro Morgannwg wedi cael eu rhyddhau o'u dyletswyddau.

Cafodd Harry Baker ei lofruddio ym mis Awst y llynedd yn nociau'r Barri.

Brynhawn Mercher dywedodd y barnwr Mr Ustus Simon Picken wrth y rheithgor fod yn rhaid i'r achos gael ei atal oherwydd rhesymau cyfreithiol.

"Mae rhywbeth wedi digwydd sy'n golygu na allai'r achos barhau ac rwy'n gorfod eich rhyddhau o'ch dyletswyddau," meddai.

"Fe fydd yn rhaid i'r achos gael ei ystyried gan reithgor arall, ni allaf fanylu ar y rhesymau pam fod yr achos wedi dod i ben."