Wyth yn gwadu llofruddiaeth Harry Baker yn Y Barri

Cafodd corff Harry Baker ei ganfod yn Y Barri ym mis Awst

Mae wyth o bobl wedi pledio'n ddieuog i gyhuddiad o lofruddio bachgen ym Mro Morgannwg ym mis Awst.

Cafodd Harry Baker, 17 o Gaerdydd, ei ganfod yn farw ym mhorthladd Y Barri ar 28 Awst eleni.

Yn Llys y Goron Caerdydd, ymddangosodd wyth diffynnydd:

• Peter McCarthy, 36 o'r Barri;

• Leon Symons, 21 ac heb gyfeiriad parhaol;

• Ryan Palmer, o'r Barri;

• Nathan Delafontaine, 32 ac heb gyfeiriad parhaol;

• Leon Clifford, 22 ac heb gyfeiriad parhaol;

• Raymond Thompson, 47 o'r Barri;

• Lewis Evans, 61 o'r Barri;

• Llanc 16 oed nad oes modd ei enwi.

Mae'r diffynyddion wedi eu cyhuddo ar y cyd o lofruddiaeth, ac fe wadodd pob un y cyhuddiad.

Cafodd pob un eu cadw yn y ddalfa wedi'r gwrandawiad, a daeth cadarnhad y bydd yr achos yn eu herbyn yn dechrau ym mis Chwefror 2020.

Roedd aelodau o deulu Harry Baker yn y llys, yn dal lluniau ohono ac yn gwisgo crysau gyda'i wyneb ar eu blaenau.

Fe wnaeth un weiddi ar y diffynyddion wrth iddyn nhw adael y llys.