Carchar am chwifio ci ar dennyn cyn ei gicio a'i daro

Mae dyn wedi ei garcharu am chwifio ci uwch ei ben ar dennyn cyn ei daro i'r ddaear, ac yna ei gicio a'i daro.

Fe wnaeth John Trafford, 39 o Fae Cinmel, Sir Conwy, gyfaddef achosi dioddefaint i'r anifail.

Cafodd ei garcharu am 20 wythnos, a'i wahardd rhag cadw ci arall am 15 mlynedd.

Dywedodd y barnwr Gwyn Jones yn Llys Ynadon Llandudno bod yr ymddygiad treisgar yn "fwriadol" a bod yr anifail mewn "poen sylweddol o ganlyniad" i hynny.

Clywodd y llys bod Trafford wedi mynd i banig pan redodd y ci i ffwrdd ohono.

Dywedodd y barnwr bod "lefel y trais" yn gwarantu dedfryd o garchar.

Ni chafodd y ci niwed parhaol ac mae wedi ei gartrefu gyda theulu arall.