Adran Dau: Port Vale 1-2 Casnewydd
- Cyhoeddwyd
Finn Azaz yn dathlu'i gôl fuddugol ar Vale Park brynhawn Llun
Daeth rhediad siomedig Casnewydd i ben gyda buddugoliaeth oddi cartref brynhawn Llun.
Er bod gobaith Yr Alltudion am ddyrchafiad bellach drosodd, hon oedd buddugoliaeth gyntaf gŵyr James Rowberry ers 9 Ebrill.
Ryan Haynes ddechreuodd y sgorio i Gasnewydd gydag ond tri munud ar y cloc, cyn i Ben Garrity ddod a'r tîm cartref yn gyfartal yn fuan wedi'r egwyl.
Ond gôl Finn Azaz, gyda 18 munud yn weddill, sicrhaodd y tri phwynt.
Mae'r golled yn golygu fod Port Vale yn dibynnu ar ganlyniadau eraill os am gyrraedd y gemau ail gyfle.