Penodi Garmon Rhys yn gyfarwyddwr dros dro BBC Cymru

Fe ddechreuodd Garmon ei yrfa gyda'r BBC yn 2000 fel newyddiadurwr

Mae Garmon Rhys wedi cael ei benodi'n gyfarwyddwr dros dro BBC Cymru.

Mae'n olynu Rhuanedd Richards, sydd wedi ei phenodi yn gyfarwyddwr dros dro'r cenhedloedd yn y BBC.

Fe ddechreuodd Garmon Rhys ei yrfa gyda'r y BBC yn 2000 fel newyddiadurwr, gan weithio mewn nifer o swyddi yn adran newyddion a materion cyfoes BBC Cymru.

Aeth yn ei flaen i arwain datblygiad strategaeth a pholisi ar gyfer BBC Cymru am dair blynedd, cyn dod yn ddirprwy bennaeth newyddion yn 2012, ac yna'n bennaeth newyddion a materion cyfoes yn 2017.

Ar hyn o bryd mae'n gyfarwyddwr busnes a gweithrediadau Cymru gyda'r gorfforaeth.

Dywed: "Rwy'n awyddus i barhau â'r gwaith gwych y mae Rhuanedd wedi'i arwain dros y blynyddoedd diwethaf, ac rwy'n frwd iawn dros gyflwyno cynnwys gwych o Gymru a darparu gwerth i'n holl gynulleidfaoedd."