Bàs eile am Port Rìgh

Tha an còigeamh neach air bàsachadh le Covid-19 aig Dachaigh-Cùraim Home Farm ann am Port Rìgh san Eilean Sgitheanach.

Dh’innis ceannard na companaidh a tha a' ruith na dachaigh-cùraim nach robh càil aca ri chumail am falach.

Chaidh am bhìoras a dhearbhadh air 57 duine san dachaigh, eadar luchd-còmhnaidh agus luchd-obrach.

Thuirt Sir Dàibhidh Behan gun deach dèiligeadh ri draghan a bh’ ann a thaobh luchd-obrach agus cho glan 's a bha an dachaigh, às dèidh mar a nochd aithisg bho Choimisean a’ Chùraim toiseach na bliadhna.