Boireannach air bàsachadh air an A9

Tha na Poilis air a' Ghàidhealtachd ag iarraidh fiosrachaidh on phoball an dèidh mar a bhàsaich boireannach ann an tubaist-rathaid air an A9 tuath air Inbhir Ghòrdain.

Thachair an tubaist, san robh aon chàr an sàs, mu 02:20m Diciadain, aig Tulaich Iochdrach.

Chaidh boireannach, 29, a bha a' dràibheadh a' Kia Sportage ghil, a ghairm marbh aig an làraich. Cha robh duine eile air an goirteachadh.

Bha an A9 dùinte eadar Caoldaraigh agus Tomaich fad grunn uairean de thìde. Dh'fhosgail e a-rithist mu 11:30m.

Thuirt an Sàirdseant Kate Fhionnlasdan: "Tha an rannsachadh againn a' leantainn feuch dè dìreach a thachair, agus dh'iarramaid air duine sam bith a chunnaic an tubaist no aig a bheil dealbhan dascham thighinn a bhruidhinn rinn.

"Bu mhath leam cuideachd taing a thoirt do dhràibhearan eile a stad airson cuideachadh a thoirt don bhoireannach."

Faodaidh duine sam bith le fiosrachacdh fònadh chun nam Poileas air 101, a' toirt seachad na h-àireimh-cùise 278 den 30mh là den Iuchar 2025.