ICT "air an sàbhaladh bho rianachd"
- Air fhoillseachadh
Tha Caley Thistle air innse gun deach aonta ionmhais a ruighinn a tha a' ciallachadh nach tèid an cluba ann an rianachd.
Bha ICT air innse nas tràithe Diciadain gun robh "gu Dimàirt aca" gus aonta a dhèanamh agus rianachd a sheachnadh.
Thuirt Ailean Savage, a thill dhan chluba nas tràithe air a' mhìos feuch suidheachadh ionmhais Chaley Thistle a chur ann an òrdugh, gun robh e ag amas air aonta le triùir a bha an sàs sa chluba anns na bliadhnaichean mu dheireadh is feum air £600,000 a thogail.
Cead do stuth X?
Tha stuth bho X an lùib an artaigil seo. Tha sinn a’ sireadh cead bhuat mus tèid dad a luchdachadh, thoireadh ‘s dòcha gun cleachd iad briosgaidean agus teicneòlas eile. Faodaidh tu na poileasaidhean aig X mu bhriosgaidean a leughadh, taobh a-muigh agus am poileasaidh prìobhaideachd aca, taobh a-muigh mus gabh thu ris. Airson coimhead air an stuth seo buail air ‘gabh ris agus lean air adhart’.
Ach thàinig brath eile bhon chluba oidhche Chiadain gun deach aonta a dhèanamh "a tha a' sàbhaladh a' chluba bho rianachd is gum bu chòir dhan a h-uile duine a tha ceangailte ri ICT a bhith air an dòigh".
Bha Mgr Savage cuideachd air innse nas tràithe air an là gun iarr e cead luchd nan earranan gus làn smachd a ghabhail air ICT gus an tèid an cluba a reic.