Cha deach gunna a lorg san Òban
- Air fhoillseachadh
Cha deach gunna sam bith a lorg ann an sgrùdadh a bh' aig Poileas Alba san Òban co-cheangailte ri murt Euan Johnston ann an 2016.
Chaidh losgadh air Mgr Johnston, 26, le gunna agus e sa chàr aige air Sràid na h-Alba ann an Glaschu.
Chaidh David Scott a dhìteadh airson a' mhuirt sa Chèitean 2018.
Thuirt Poileas Alba gu bheil fios aca gun robh barrachd na aon duine aig làrach a' mhuirt.
Tha rannsachadh nam poileas co-cheangailte ri murt Euan Johnston
Thòisich sgrùdadh an t-seachdain seo air talamh-feòir faisg air margaidh-sprèidh an Òbain agus amharas gum faodadh gunna co-cheangailte ris a' mhurt a bhith ann.
Tha Poileas Alba a-nise air innse gu bheil an sgrùdadh sin air tighinn gu ceann is nach deach gunna a lorg.
Dh'iarr iad air duine sam bith le fiosrachadh ùr bruidhinn riutha is iad ag ràdh gu bheil an rannsachadh a' leantainn.