Là Mòr na Bainnse aig Ospadal Mhuile agus Ì

Dealbh a' sealltainn boireannach na laighe ann an leabaidh ospadail agus dreas bainnse oirre le fireannach a' seasamh ri a taobh. Tha gàire mhòir air an dithis aca agus iad a' coimhead air leth toilichte le chèile.

Ian agus Lisa 's iad air pòsadh an-diugh san Ospadal.

Bha là mòr aig dithis ann an Ospadal Mhuile agus Ì Diluain agus iad air pòsadh san ospadal, ri lìnn tubaist.

Bha Ian agus Lisa an dùil pòsadh aig Caisteal Dhubhaird Diluain ach, nuair a thuit Lisa agus an dithis aca a-muigh air cuairt, bhris i a h-adhbrann, 's bha aca ri pòsadh san ospadal mus deach Lisa a' sgèith a Phàislig airson taic mheidigeach.

Dealbh a' sealltainn ceathrar luchd-obrach san ospadal agus iad uile le gàire mhòr air an aodainn.

Bha luchd-obrach an ospadail air leth toilichte cuideachadh.

Bha luchd-obrach an ospadail gu math cruthachail agus iad trang ag ullachadh agus a' sgeadachadh an seòmar gus blas na bainnse a chur air.

Thuirt Com-pàirteachais Slàinte is Cùram Sòisealta Earra-ghaidheal is Bhòid gu bheil iad "a' guidhe gach sonas dhan an dithis aca 's gum biodh an slighe-beatha còmhla làn toileachas, gàire agus gaoil."

Dealbh a' sealltainn bòrd-gheal le sgrìobhadh mu bhanais Ian agus Lisa agus solais bheaga ghoirm timcheall air.

Rinn an luchd-obrach fìor mhath le na bh' aca airson an seòmar a' sgeadachadh.

Dealbh a' sealltainn cèic bainnse le flùraichean timcheall air agus dithis bheaga air a' mhullach - tè agus fear na bainnse.

Cha b' e seo an là ris an robh duine an dùil ach dh' obraich cùisean glè mhath aig a' cheann-thall.