Dà sgoil ùr air làrach Sgoil an Naoimh Cliaman?

Sgoil an Naoimh Cliaman
Fo-thiotal an deilbh,

Tha an togalach a th' ann ann an droch staid

  • Air fhoillseachadh

Dh'fhaodadh gun tèid dà sgoil a thogail air aon làraich ann an Inbhir Pheofharain, fo mholaidhean a chuir Comhairle na Gàidhealtachd air adhart.

Tha pàrantan air a bhith ag iomairt fad 20 bliadhna airson sgoil ùr a dhol an àite Sgoil Speisealta an Naoimh Cliaman.

Tha an togalach a th' ann, a tha còrr air 100 bliadhna de dh'aois, ann an droch staid.

Dh'innis a' Chomhairle anns an Dùbhlachd 2023 gun robh iad air pìos fearainn a cheannach airson sgoil ùr a thogail.

Mhol a' Chomhairle a-niste gun roinn Sgoil an Naoimh Cliaman làrach le Bun-sgoil ùr Inbhir Pheofharain, an àite a bhith a' gluasad air adhart le moladh a bh' ann roimhe gus aon sgoil a chur air an làraich.

Thèid iarraidh air comhairlichean aontachadh aig coinneimh Diardaoin gun tèid co-chomhairle phoblach a chumail air a' mholadh ùr.