Poilis a' sgrùdadh tubaiste air an A9 às an do theich carbad

Theic aon charbad bho làrach na tubaiste feasgar Diciadain

Tha na Poilis a' sireadh fiosrachaidh mu thubaist a thachair air an A9 an Siorrachd Pheairt agus às an do dh'fhalbh aon charbad bhon làraich mus do ràinig iad.

Fhuair iad fios mu 6:10f Diciadain mun tubaist eadar Dal na Mèinn agus Cail Mhinn eadar bhana-campachaidh Volkswagen geal agus carbad eile, le dùil gu bheil e sin airgead neo òr.

Dh'fhalbh an carbad sin mus do ràinig oifigearan an làrach.

Chaidh boireannach, 36, a bha a' dràibheadh a' bhana-champachaidh a thoirt do dh'Ospadal Ninewells ann an Dùn Dè airson cùraim.

Cha d' fhuaireadh aithris gun robh duine sam bith eile air an goirteachadh.

Chaidh an rathad a dhùnadh greis ach chaidh fhosgladh às ùr mu 7:30f.

Thuirt an Conastabal Mathew Ross: "Tha an sgrùdadh againn a' leantainn feuch dè a dh'adhbhraich an tubaist agus dh'iarrainn air duine sam bith a bha san sgìre agus a chunnaic na thachair a thighinn a bhruidhinn rinn.

"Dh'iarrainn cuideachd air daoine aig a bheil dealbhan dashcam a dh'fhaodadh a bhith feumail dhuinn fios a chur oirnn."