Sneachd gu leòr air a' Chàrn Ghorm

Dh'innis Cairngorm Mountain Earranta gu bheil sneachd gu leòr air a' bheinn airson na h-uimhir de cheadan sgìthidh a thoirt seachad air an deireadh-sheachdain seo.

Thug a' chompanaidh, a bhios a' ruith ghoireasan sgìthidh na beinne, comhairle do dhaoine bucadh ro làimh ge-tà.

Thuirt iad nach eil gu leòr ann airson na leathadan as ìsle fhosgladh, 's nach fhosgladh iad na leathadan as àirde a bharrachd, ach gu bheil an luchd-obrach air na th' ann a chàrnadh airson sgìtheadh is bòrdadh-sneachda a dhèanamh comasach air corra leathad.

"Tha sinn an dòchas gur e toiseach deagh sheusain a tha seo do Chairngorm Mountain," thuirt àrd-stiùiriche na companaidh, Mike Gifford.

Bha na h-uimhir de dhaoine a' sgìtheadh air a' bheinn Diardaoin.

Thuit i cho ìosal ri 11.7C oidhche Ardaoin, an oidhche as fhuaire anns an Rìoghachd Aonaichte bhon Fhaoilleach.