Comharran ro-fharpais a' Bhuinn Òir

Bonn Òir a' Chomuinn Ghàidhealaich

Chaidh ceathrar bhoireannach agus dithis fhireannach troimhe gu farpais dheireannach Bonn Òir a' Chomuinn Ghàidhealaich aig a' Mhòd Nàiseanta Rìoghail sa Ghearasdan.

Chaidh na farpaisean dearbhaidh a chumail aig Eaglais Chaitligeach an Naoimh Moire.

Ann am farpais nam mnathan bha Caitlyn Yule à Glaschu sa chiad àite le 371 uile gu lèir.

Thàinig Julie-Anne NicPhàidein, às an Òban, san dàrna àite le 369.

Bha Laura Robasdan às a' Ghearasdan san treas àite le 366.

Agus thàinig Amanda Millen à Glaschu sa cheathramh àite le 365.

Caitlyn Yule

Bha madainn shoirbheachail aig Caitlyn Yule

Finlay John Morse

'S e Finlay John Morse a bha sa chiad àite sa mhadainn ann am farpais nam fear

Cha robh ach dithis fhireannach a' farpais am-bliadhna, agus chaidh an dithis aca troimhe chun na cuairte deireannaich.

Thàinig Finlay John Morse à Obar Dheathain sa chiad àite, le 369, agus Jonathan Fairgrieve à Leòdhas san dàrna àite le 361.

Bidh a' chuairt dheireannach ann aig 7:30f ann an Ionad Nibheis, agus e ri fhaicinn beò air BBC ALBA, agus ri chluinntinn beò air BBC Radio nan Gàidheal.