Adran Dau: Forest Green Rovers 1-1 Casnewydd
- Cyhoeddwyd
Fe wnaeth Casnewydd golli'r cyfle i gau'r bwlch ar Lincoln ar frig Adran Dau yn dilyn gêm gyfartal gyda Forest Green Rovers brynhawn Sadwrn.
Y tîm cartref aeth ar y blaen, gyda Scot Bennett yn rhoi'r bêl i'w rwyd ei hun yn dilyn croesiad gan Dayle Grubb.
Ond roedd yr Alltudion yn gyfartal cyn hanner amser wrth i'r ymosodwr Padraig Amond rwydo.
Cafodd Casnewydd gic o'r smotyn ar ôl 64 munud ar ôl i Reuben Reid lawio'r bêl yn y cwrt cosbi - dim ond i Mickey Demetriou ei tharo dros y traws.